കിഴക്കമ്പലത്ത് കൊല്ലപ്പെട്ട ട്വന്റി ട്വന്റി പ്രവര്ത്തകന്റെ പോസ്റ്റ്മോര്ട്ടം റിപ്പോര്ട്ട് പുറത്തുവന്നു. തലയ്ക്കേറ്റ മര്ദനമാണ് മരണകാരണമെന്നാണ് പോസ്റ്റ്മോര്ട്ടം റിപ്പോര്ട്ടില് പറയുന്നത്.
തലയ്ക്ക് പിറകിലും ചെവിക്ക് പിന്നിലുമായി ആഴത്തിലുള്ള രണ്ട് മുറിവുകളാണ് ഉണ്ടായിരുന്നത്. ഈ രണ്ട് മുറിവുകളാണ് മരണത്തിലേക്ക് നയിച്ചതെന്നാണ് പോസ്റ്റ്മോര്ട്ടം റിപ്പോര്ട്ടില് പറയുന്നത്.
ഫെബ്രുവരി പന്ത്രണ്ടിനാണ് ദീപു ആക്രമിക്കപ്പെട്ടത്. തുടര്ന്ന് ദീപുവിനെ ആശുപത്രിയില് പ്രവേശിപ്പിച്ചു. ചികിത്സയിലിരിക്കെയായിരുന്നു മരണം. സംഭവവുമായി ബന്ധപ്പെട്ട് നാല് സിപിഐഎം പ്രവര്ത്തകര് പിടിയിലായിട്ടുണ്ട്. രാഷ്ട്രീയ വൈരാഗ്യമാണ് കൊലപാതകത്തിലേക്ക് നയിച്ചതെന്നാണ് പൊലീസ് എഫ്ഐആറില് പറഞ്ഞിരുന്നത്.