ജീത്തു ജോസഫും , മോഹന്ലാലും ഒന്നിക്കുന്ന പുതിയ ചിത്രം പ്രേക്ഷകരിലേക്ക് എത്തുകയാണ്. 12ത്ത് മാന് എന്നു പേരിട്ടിരിക്കുന്ന ചിത്രത്തില് മോഹന്ലാല് ആണ് ടൈറ്റില് കഥാപാത്രമാവുന്നത്. ഇപ്പോള് ചിത്രത്തിന്റെ ട്രെയ്ലര് പുറത്തെത്തിയിരിക്കുകയാണ്. ചിത്രത്തിന്റെ റിലീസ് തീയതിയും അണിയറക്കാര് പ്രഖ്യാപിച്ചിട്ടുണ്ട്.
മെയ് 20ന് ചിത്രം പ്രേക്ഷകരിലേക്ക് എത്തും. സിനിമയുടെ ഷൂട്ടിംഗ് കഴിഞ്ഞ വര്ഷം ഒക്ടോബര് ആദ്യ വാരമാണ് ആരംഭിച്ചത്. സ്വന്തം തിരക്കഥയിലല്ലാതെ ജീത്തു ജോസഫ് സംവിധാനം ചെയ്യുന്ന ആദ്യ മോഹന്ലാല് ചിത്രവുമാണ് ട്വല്ത്ത് മാന്.
2.27 മിനിറ്റ് ദൈര്ഘ്യമുള്ള ട്രെയ്ലര് ആണ് ഇപ്പോള് എത്തിയിരിക്കുന്നത്. മിസ്റ്ററി ത്രില്ലര് വിഭാഗത്തില് പെടുന്നതാണ് സിനിമയെന്നാണ് ട്രെയിലറില് നിന്ന് അറിയാനാകുന്നത്. നവാഗതനായ കെ ആര് കൃഷ്ണകുമാര് ആണ് ചിത്രത്തിന്റെ രചന.
മോഹന്ലാലിനെ കൂടാതെ ഉണ്ണി മുകുന്ദന്, അനുശ്രീ, അദിതി രവി, ലിയോണ ലിഷോയ്, വീണ നന്ദകുമാര്, ഷൈന് ടോം ചാക്കോ, സൈജു കുറുപ്പ്, ശാന്തി പ്രിയ, പ്രിയങ്ക നായര്, ശിവദ തുടങ്ങി നിരവധി താരങ്ങള് ചിത്രത്തിലുണ്ട്. സതീഷ് കുറുപ്പ് ആണ് ഛായാഗ്രഹണം നിര്വ്വഹിച്ചിരിക്കുന്നത്. ആശീര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് സിനിമയുടെ നിര്മ്മാണം