പുതിയ വിശേഷം അറിയിച്ചു മലയാളികളുടെ പ്രിയപ്പെട്ട താരം നിത്യാദാസ് – ഇത് സൈക്കോ ആണോ എന്ന് പ്രേക്ഷകർ, സംഭവം ഇങ്ങനെ

2001ൽ ദിലീപിനെ നായകനാക്കി താഹ സംവിധാനം ചെയ്ത ഈ പറക്കും തളിക എന്ന ചിത്രത്തിലൂടെയാണ് അവർ തന്റെ അഭിനയ ജീവിതം ആരംഭിച്ചത്.നീണ്ട കാലത്തെ ഇടവേളയ്ക്ക് ശേഷം പ്രിയ താരം നിത്യ ദാസ് വീണ്ടും മലയാള സിനിമയിലേക്ക് തിരികെയെത്തുന്ന ചിത്രം പള്ളിമണിയുടെ ടീസര്‍ ശ്രദ്ധേയമാകുന്നു. പറക്കും തളികയിലെ ശക്തമായ കഥാപാത്രമായിരുന്നു നിത്യ ദാസ്. പള്ളിമണി എന്ന ചിത്രത്തിലൂടെ ഒരു തിരിച്ചു വരവിന് ഒരുങ്ങുകയാണ് അവർ.

പ്രേക്ഷകരെ ഭയപ്പെടുത്തുന്ന രീതിയിലാണ് ടീസർ തയ്യാറാക്കിയിരിക്കുന്നത്. എൽ എ പ്രൊഡക്ഷൻസിന്‍റെ ബാനറിൽ ലക്ഷ്മി അരുൺ മേനോൻ നിർമിച്ചിരിക്കുന്ന സിനിമയുടെ തിരക്കഥ കെ വി അനിൽ ആണ്. ചിത്രം ഉടൻ റിലീസിനായി ഒരുങ്ങുകയാണ്. സൈക്കോ ഹൊറര്‍ വിഭാഗത്തിൽപ്പെടുന്ന ചിത്രം ശ്രദ്ധേയ കലാ സംവിധായകനും ബ്ലോഗറും ആയ അനിൽ‍ കുമ്പഴയാണ് സംവിധാനം ചെയ്യുന്നത്. ഇപ്പോഴിതാ സിനിമയുടെ ടീസർ പുറത്തുവിട്ടിരിക്കുകയാണ് അണിയറ പ്രവർത്തകർ.

നിത്യയെ കൂടാതെ ശ്വേത മേനോനും കൈലാഷും ചിത്രത്തിൽ പ്രധാന വേഷത്തിൽ എത്തുന്നുണ്ട്. ടീസറിൽ നിന്നും വിക്ടോറിയ എന്ന കഥാപാത്രത്തെയാണ് ശ്വേത അവതരിപ്പിക്കുന്നതെന്നാണ് സൂചന. അനിയൻ ചിത്രശാലയാണ് സിനിമയുടെ ഛായാഗ്രാഹണം നിര്‍വഹിക്കുന്നത്.

സജീഷ് താമരശേരിയാണ് ചിത്രത്തിന്‍റെ ആര്‍ട് ഡയറക്ടര്‍.രതീഷ് പല്ലാട്ടാണ് ചിത്രത്തിന്‍റെ പ്രൊജക്റ്റ് ഡിസൈനര്‍. നാരായണൻ ആണ് സിനിമയുടെ ഗാനരചന നിര്‍വഹിക്കുന്നത്. ശ്രീജിത്ത് രവിയാണ് ചിത്രത്തിന്‍റെ സംഗീത സംവിധായകൻ. പി ആര്‍ ഓ സുനിത സുനിൽ. മലയാളത്തിൽ അടുത്തതായി കുറെ സൈക്കോസിനിമകൾ ഇറങ്ങിക്കൊണ്ടിരിക്കുകയാണ് ഇപ്പോൾ. അക്കൂട്ടത്തിലേക്ക് ഇതും ഒരു സൈക്കോ സിനിമ ആണോ എന്നാണ് ഇപ്പോൾ പ്രേക്ഷകർ ചോദിച്ചു കൊണ്ടിരിക്കുന്നത്. എന്തായാലും ചിത്രം ഇറങ്ങിക്കഴിഞ്ഞാൽ ഏത് ജോണർ ആണ് എന്ന് അറിയാൻ സാധിക്കും എന്നാണ് പ്രേക്ഷകർ പറയുന്നത്.