എന്റെ വീട് കണ്ടുപിടിച്ച് അവിടെ ഗിഫ്റ്റ് എല്ലാം കൊണ്ടവെക്കും, പിന്നെ അമ്മ ഇടപ്പെട്ടു; ആരാധകനെ കുറിച്ച് ഭാവന

കമലിന്റെ നമ്മള്‍ എന്ന സിനിമയില്‍ അഭിനയിച്ചുകൊണ്ട് ചലച്ചിത്ര രംഗത്ത് തുടക്കം കുറിച്ച താരമാണ് ഭാവന. ഒരു പതിറ്റാണ്ടിലേറെയായി അഭിനയരംഗത്തുള്ള ഭാവന, അറുപതിലധികം ചിത്രങ്ങളില്‍ അഭിനയിച്ചിട്ടുണ്ട്. കന്നഡ സിനിമ നിര്‍മ്മാതാവായ നവീനും ഭാവനയുമായുള്ള വിവാഹ ശേഷം താരം മലയാള ചിത്രത്തില്‍ നിന്നും വിട്ടു നില്‍ക്കുകയായിരുന്നു. പിന്നീട് നിരവധി കന്നഡ ചിത്രത്തിലും താരം അഭിനയിച്ചു. ഇപ്പോള്‍ വീണ്ടും മലയാളത്തിലേക്ക് വരുകയാണ് ഭാവന.

ഇപ്പോള്‍ തന്റെ ഒരു ആരാധകനെ കുറിച്ചാണ് നടി പറയുന്നത്. ആള് തന്റെ ലൊക്കേഷനില്‍ വരുമായിരുന്നു. എന്നാല്‍ എന്നെ കാണാന്‍ വേണ്ടിയാണ് എന്ന് അറിയില്ല ആയിരുന്നു. പരിചയമുള്ള മുഖം രണ്ട് മൂന്ന് ലൊക്കേഷനില്‍ കണ്ടപ്പോള്‍ ഞാന്‍ വിചാരിച്ചു ഷൂട്ടിംഗിന്റെ ആളായിരിക്കും എന്ന്’. വന്ന് എന്നെ നോക്കികൊണ്ടിരിക്കും.

ഒരിക്കല്‍ എന്റെ മേക്കപ്പ്മാന്‍ ശരവണന്‍ പറഞ്ഞു മാഡം, ഇങ്ങനെ ഒരാള്‍ വന്നിട്ടുണ്ട് കാണണം എന്നാണ് പറയുന്നതെന്ന്. ഞാന്‍ പറഞ്ഞു വന്നോളൂ എന്ന്. നോക്കിയപ്പോള്‍ ഇയാള്‍. പിന്നെ കരയാന്‍ ഒക്കെ തുടങ്ങി, കാലിലൊക്കെ വീണ് ഭയങ്കര സ്‌നേഹപ്രകടനം. ഞാന്‍ കൂടെത്തന്നെ നിന്നോളാം എന്നാണ് ഇയാള്‍ പറയുന്നത്. ഞാന്‍ എന്തെങ്കിലും ആവശ്യമുണ്ടെങ്കില്‍ വിളിക്കാം എന്ന് പറഞ്ഞ് ശരവണന്റെ നമ്പര്‍ കൊടുത്തു’.

പിന്നെ ശരവണനെ വിളിച്ചു, ഒരിക്കല്‍ എന്റെ തൃശൂരിലെ വീട് കണ്ടുപിടിച്ച് അവിടെ മുന്നില്‍ ഗിഫ്റ്റ് ബോക്‌സ് ഒക്കെ വെച്ചിട്ട് പോവും. ഇത് കൂടിയപ്പോള്‍ അമ്മ വിളിച്ചു പറഞ്ഞു ഭാവന പറഞ്ഞു.