വിരാട് കോലിക്ക് മുന്നറിയിപ്പുമായി ക്രിക്കറ്റ് ഇതിഹാസം സുനില് ഗവാസ്കര്. വെസ്റ്റ് ഇന്ഡീസിനെതിരെ കോലിയുടെ മോശം പ്രകടനം ചൂണ്ടിക്കാട്ടിയാണ് ഗാവസ്കർ രംഗത്തെത്തിയിരിക്കുന്നത്.
ഇത്തരം കെണിയില് കോലി വീഴരുതെന്നായിരുന്നു ഗവാസ്കറുടെ ഉപദേശം. ”ബൗണ്സറുകള് ഒഴിവാക്കാന് കോലി ശ്രമിക്കുന്നുപോലുമില്ല. ഹുക്ക് ഷോട്ട് കളിക്കാനാണ് കോലി ശ്രമിക്കുന്നത്. ഈ സമീപനം ഒഴിവാക്കിയില്ലെങ്കില് ഇനിയും ഈ തരത്തില് പുറത്താവേണ്ടി വരും. പരമ്പരയിലെ ഇനിയുള്ള മത്സരങ്ങളിലും കോലി സൂക്ഷിക്കുന്നത് നന്നായിരിക്കും. ദക്ഷിണാഫ്രിക്കന് പര്യടനത്തിലും അവര് കോലിക്കെതിരെ നിരന്തരം ബൗണ്സറുകള് എറിഞ്ഞിരുന്നുവെന്നും ഗവാസ്കർ ചൂണ്ടിക്കാട്ടി.
കോലി പുള് ഷോട്ടുകള് ഒഴിവാക്കില്ലെന്ന് അവര്ക്ക് അറിയാമായിരുന്നു. ഷോര്ട്ട് ബോളുകളില് ഹുക്ക് ഷോട്ടുകള് കളിക്കാന് അദ്ദേഹം ഇഷ്ടപ്പെടുന്നു. എന്നാല് ബാറ്റര്മാര്ക്ക് നിയന്ത്രിക്കാന് പ്രയാസമുള്ള പന്തുകളാണത്. ഇത്തരം ഷോട്ടുകള് എങ്ങനെ അവസാനിക്കുമെന്ന് പറയാന് കഴിയില്ല. കോലി പ്രതീക്ഷിച്ചതു പോലെ ഹുക്ക് ഷോട്ട് കളിക്കാനായില്ല. പന്ത് ഒരല്പ്പം കൂടുതല് ബൗണ്സ് ചെയ്തിരുന്നു. അതുകൊണ്ടാണ് പന്ത് എഡ്ജ് ചെയ്ത് ക്യാച്ചില് അവസാനിച്ചതെന്നും ഗവാസ്കര് വ്യക്തമാക്കി.