സിനിമയിൽ നമ്മൾ ഒന്നിച്ച് ഉണ്ടായിരുന്ന എല്ലാ നിമിഷങ്ങളും വീണ്ടും ഓർക്കുന്നു, നമ്മുടെ ശോഭന ചേച്ചിക്ക് സുരേഷേട്ടൻ നൽകിയ സ്പെഷ്യൽ പിറന്നാൾ ആശംസകൾ കണ്ടോ?

മലയാളികൾക്ക് ഏറെ പ്രിയപ്പെട്ട താരങ്ങളിൽ രണ്ടുപേർ ആണ് ശോഭനയും സുരേഷ് ഗോപിയും. ഒരുപക്ഷേ നമ്മുടെയെല്ലാം സിനിമ ഓർമ്മകളിൽ നിറഞ്ഞു നിൽക്കുന്ന രണ്ട് താരങ്ങൾ. നമ്മൾ കണ്ടുവളർന്ന ഒരുപാട് സിനിമകളിൽ ഇവർ വേഷമിട്ടിട്ടുണ്ട്. അതുകൊണ്ടുതന്നെ സിനിമയിൽ സജീവമല്ലെങ്കിലും മലയാളികൾക്ക് ഇവർ പറയുന്ന പ്രിയപ്പെട്ടവർ തന്നെയാണ്. കുറച്ചു സിനിമകളിൽ മാത്രമാണ് ഇരുവരും ഒരുമിച്ച് അഭിനയിച്ചിട്ടുള്ളത്. എങ്കിലും ഇവരുടെ ജോഡി പൊരുത്തം ഏറെ പ്രശംസിക്കപ്പെട്ടത് ആയിരുന്നു.

സമൂഹമാധ്യമങ്ങളിൽ രണ്ടുപേരും അത്ര സജീവമല്ല. വല്ലപ്പോഴും ആണ് ഇരുവരും സമൂഹമാധ്യമങ്ങളിൽ എന്തെങ്കിലും പോസ്റ്റ് ചെയ്യുന്നത്. സുരേഷ്ഗോപി ഇന്ന് ഇൻസ്റ്റഗ്രാമിൽ പോസ്റ്റ് ചെയ്ത ഒരു പോസ്റ്റ് ആണ് ഇപ്പോൾ മാധ്യമങ്ങളുടെ ചർച്ചാവിഷയമായി മാറിയിരിക്കുന്നത്. നമ്മുടെ ശോഭന ചേച്ചിക്ക് പിറന്നാൾ ആശംസകൾ നേർന്നു കൊണ്ടുള്ള പോസ്റ്റ് ആയിരുന്നു ഇത്. നിമിഷങ്ങൾക്കകം തന്നെ ഈ പോസ്റ്റ് സമൂഹമാധ്യമങ്ങൾ ഏറ്റെടുത്തു. ധാരാളം ആളുകൾ ആണ് ശോഭന ച്ചേച്ചിക്ക് പിറന്നാളാശംസകൾ നേർന്നു കൊണ്ട് ഇപ്പോൾ രംഗത്ത് എത്തുന്നത്.

1970 വർഷത്തിലായിരുന്നു താരം ജനിച്ചത്. അതായത് താരത്തിന് ഇന്ന് 51 വയസ്സ് തികയുന്ന ആയിരുന്നു. സിനിമാ മേഖലയിൽ നിന്നുമുള്ള നിരവധി ആളുകളായിരുന്നു താരത്തിന് പിറന്നാൾ ആശംസകൾ നേർന്നുകൊണ്ട് രംഗത്തെത്തിയത്. സിനിമയിൽ അത്ര സജീവമല്ലെങ്കിലും മലയാളികളുടെ മനസ്സിൽ ശോഭന എന്നും നിറസാന്നിധ്യമായി തന്നെ തുടരുന്നു എന്നതിൻറെ തെളിവായിരുന്നു ഇന്നത്തെ ദിവസം.

ഇടക്കാലത്ത് സിനിമയിൽ നിന്നും ഒരു ബ്രേക്ക് എടുക്കുകയായിരുന്നു ശോഭന. സാഗർ ഏലിയാസ് ജാക്കി എന്ന ചിത്രത്തിൽ ആയിരുന്നു താരം വലിയ ഒരു ഇടവേളയ്ക്കുശേഷം അഭിനയിച്ചത്. പിന്നീട് തിര എന്ന വിനീത് ശ്രീനിവാസൻ ചിത്രത്തിലൂടെ ശക്തമായ തിരിച്ചുവരവ് നടത്തി താരം. കഴിഞ്ഞ വർഷം പുറത്തിറങ്ങിയ വരനെ ആവശ്യമുണ്ട് എന്ന ചിത്രത്തിലെ പ്രകടനവും ഏറെ ശ്രദ്ധിക്കപ്പെട്ടിരുന്നു. സുരേഷ് ഗോപി ആയിരുന്നു ഈ ചിത്രത്തിൽ ശോഭനയുടെ നായകനായി എത്തിയത്.