ഓരോ ദിവസമുള്ള എപ്പിസോഡിലും ആരാധകരെ സ്വന്തമാക്കികൊണ്ടിരിക്കുകയാണ് സ്വാന്തനം പരമ്പര. രസിപ്പിക്കുന്നതും ആരാധകരെ പിടിച്ച് നിര്ത്തുന്നതുമായുള്ള രംഗങ്ങളാണ് പരമ്പരയില് അരങ്ങേറികൊണ്ടിരിക്കുന്നത്. മലയാളം ബിഗ് സ്ക്രീനിലും മിനിസ്ക്രീനിലും ഒരുപോലെ മനോഹരമായ കഥാപാത്രങ്ങള് മലയാളിക്ക് സമ്മാനിച്ച താരം ചിപ്പിയാണ് സ്വാന്തനത്തിലെ കേന്ദ്രകഥാപാത്രവും. ശ്രീദേവി എന്ന പേരിലാണ് ചിപ്പി പരമ്പരയില് എത്തുന്നത്. ഭര്ത്താവിന്റെ സഹോദരങ്ങളെ സ്വന്തം മക്കളെ പോലെ നോക്കി വളര്ത്തിയ ഏട്ടത്തിയമ്മ ആ വീടിന്റെ തന്നെ ഐശ്വര്യമാണ്.
ഇതിലെ മറ്റു കഥാപാത്രങ്ങളാണ് ശിവനും അഞ്ജലിയും, അപര്ണയും ഹരിയും. ഇതില് രണ്ടുപേരുടെ ജീവിതത്തിലും കുഞ്ഞു പിണക്കങ്ങളും ഇണക്കങ്ങളും ഉണ്ട്. അപ്പുവും ഹരിയും പ്രണയിച്ച് വിവാഹം കഴിച്ചതാണെങ്കിലും ചില പരാതിയും പരിഭവവുമെല്ലാം അപ്പുവിന് ഉണ്ട്. അതേ സമയം കീരിയും പാമ്പുമായിരുന്ന അഞ്ജലിയും ശിവനും ഒന്നിച്ചത് ചില പ്രത്യേക സാഹചര്യങ്ങളിലൂടെയാണ്. ആദ്യമൊക്കെ രണ്ടുപേര്ക്കും പരസ്പരം ഇഷ്ടമില്ലായിരുന്നെങ്കിലും പിന്നീട് ഇവര് സ്നേഹിച്ച് തുടങ്ങുകയായിരുന്നു. ഇപ്പോള് രണ്ടാളുടെ മനസിലും പ്രണയം തുടങ്ങിയിരിക്കുകയാണ്.
ശിവന്റെയും അഞ്ജലിയുടെയും പ്രണയനിമിഷങ്ങളും , ഇവരെ മനസ്കൊണ്ട് ഒന്നിപ്പിക്കാന് ശ്രമിച്ച് കൊണ്ടിരിക്കുന്ന ശ്രീവേദിയുടെ കഷ്ടപ്പാടെല്ലാം പ്രേക്ഷകര് കാണുന്നുണ്ട്. ഇതിലൂടെ എല്ലാമാണ് ഇപ്പോള് പരമ്പര കടന്ന് പോവുന്നത്. ഇതിനിടെ ഇവരെ ഒന്നിച്ച് കല്യാണത്തിന് വിടാനും ശ്രീദേവി ശ്രമിക്കുന്നുണ്ട്. കഴിഞ്ഞ ദിവസം വരെ കല്യാണത്തിന് പോവാന് ശിവന് അഞ്ജലിക്ക് വേണ്ടി മുല്ലപ്പൂവ് കോര്ക്കുന്ന രംഗങ്ങള് അരങ്ങേറിയിരുന്നു.
ഇപ്പോള് ഇവര് ഒന്നിച്ചുപോവുമ്പോള് ശിവനെയും തനിക്ക് ഇഷ്ടപ്പെട്ട വസ്ത്രം അണിയിക്കാനുള്ള ശ്രമത്തിലാണ് അഞ്ജലി. ഇതിന്റെ പ്രെമോ വീഡിയോ ആണ് ഇപ്പോള് പുറത്തുവന്നത്. പഴയ വസ്ത്രം ശിവനെ ധരിക്കാന് സമ്മതിക്കാതെ അഞ്ജലി അത് പിടിച്ച് വാങ്ങി ഓടുന്നതും വീഡിയോയിലുണ്ട്. പ്രെമോ വീഡിയോ പുറത്ത് വന്നതോടെ ആരാധകരും ആകാംഷയിലാണ്.
ലിംഗ, പ്രായഭേദമന്യേ മലയാളി പ്രേക്ഷകര്ക്കിടയില് തരംഗമാകാന് സാന്ത്വനത്തിന് കഴിഞ്ഞിട്ടുണ്ട്. ഒരു കൂട്ടുകൂടുംബത്തിലെ രസകരമായ മുഹൂര്ത്തങ്ങളെ ഒട്ടും കൃത്രിമത്വം ചേര്ക്കാതെ പ്രേക്ഷകരിലേക്കെത്തിക്കുന്നു എന്നതാണ് പരമ്പരയെ ചുരുങ്ങിയ കാലം കൊണ്ടുതന്നെ പ്രേക്ഷകര് ഹൃദയത്തിലേറ്റാന് കാരണം.