കൊച്ചിയില്‍ ഉണ്ടായിട്ടും അവരാരും എത്തിയില്ല; സുബിയെ കാണാന്‍ മലയാള സിനിമാലോകത്തെ മുന്‍നിര നായികാനായകന്മാര്‍ എന്തുകൊണ്ട് വന്നില്ലെന്ന് സംഗീത ലക്ഷ്മണ?

നടി സുബി സുരേഷിന്റെ മരണവാര്‍ത്ത അറിഞ്ഞ് നിരവധി സിനിമാ സീരിയല്‍ താരങ്ങളാണ് ഒരു നോക്ക് കാണാനായി വീട്ടിലെത്തിയത്. ആ മരണം ഇന്നും പലര്‍ക്കും വിശ്വസിക്കാന്‍ കഴിയുന്നില്ല. ഇതിനോടകം നിരവധി വീഡിയോകളും സോഷ്യല്‍ മീഡിയയില്‍ എത്തിക്കഴിഞ്ഞു. ഇതിന് താഴെ വരുന്ന കമന്റുകളെല്ലാം വേദന നിറഞ്ഞതുതന്നെ.

സുബിക്കൊപ്പം ആദ്യം പ്രവര്‍ത്തിച്ചിരുന്നവരും മരണവാര്‍ത്തയറിഞ്ഞു എത്തിയിരുന്നു. എന്നാല്‍ മലയാള സിനിമയിലെ മുന്‍നിര നായികാ നായകന്മാര്‍ കൊച്ചിയില്‍ ഉണ്ടായിട്ടുപോലും സുബി സുരേഷിന്റെ വീട്ടില്‍ എത്തിയിരുന്നില്ല. ഇപ്പോള്‍ ഇതിനെ വിമര്‍ശിച്ച് രംഗത്തെത്തിയിരിക്കുകയാണ് സംഗീത ലക്ഷ്മണ. സോഷ്യല്‍ മീഡിയ വഴി ഒരു പോസ്റ്റ് പങ്കുവെച്ചു കൊണ്ടാണ് സംഗീത പ്രതികരിച്ചത് .

കേരളം കണ്ടതിൽ ഏറ്റവും മിടുക്കിയായ സ്റ്റേജ് ഷോ ആർട്ടിസ്റ്റ്, മലയാളത്തിലെ ആദ്യത്തെ വനിതാ സ്റ്റാന്റപ്പ് കോമേഡിയൻ, ലോകം മുഴുവനുള്ള മലയാളികളെ പല രൂപത്തിലും പല ഭാവത്തിലും രസിപ്പിച്ചിട്ടുള്ളവൾ, ചുറ്റും പോസിറ്റിവിറ്റി വാരിവിതറി, സൂര്യ തേജസ് പോലെ ജ്വലിച്ചു നിന്നവൾ, ചിരിച്ചു മാത്രം ഏവരും കണ്ടിട്ടുള്ളവൾ, രണ്ടര പതിറ്റാണ്ടുകാലം entertainment industry യുടെ അവിഭാജ്യഘടകമായിരുന്നവൾ.

സുബി സുരേഷ് മരണപ്പെട്ടിട്ട് അവള്‍ക്ക് അന്തിമോപചാരം അര്‍പ്പിക്കാനും സ്‌നേഹാദരവോടെ അവളെ യാത്രയാക്കാനും മലയാള സിനിമാലോകത്തെ മുന്‍നിര നായികാനായകന്മാരും സംവിധായകരും നിര്‍മ്മാതാക്കളും മറ്റ് മുന്‍നിര ചലചിത്രപ്രവര്‍ത്തകര്‍ ആരും തന്നെ എത്താതിരുന്നത് എന്ത് കൊണ്ടാണ് ? അവരില്‍ പലരും കൊച്ചിയില്‍ തന്നെയുണ്ടായിരുന്നിട്ടും അത് ചെയ്യാതിരുന്നത് എന്തുകൊണ്ടാണ് ? എന്തൊരു തരം മനുഷ്യരാണ് ഇവരൊക്കെ! ഹോ! സംഗീതയുടെ സംശയവചനങ്ങള്‍ 54:36