വീണ്ടും ഇന്ത്യയുടെ അഭിമാനമായി ആർ ആർ ആർ – ഇത്തവണ വാരിക്കൂട്ടിയത് നാല് അന്താരാഷ്ട്ര പുരസ്കാരങ്ങൾ

ഇന്ത്യൻ സിനിമയുടെ അഭിമാനമായി മാറിയ ചിത്രമാണ് രാജമൗലി സംവിധാനം ചെയ്ത ആർ ആർ ആർ. രാജമൗലിയുടെ ഫിലിമോഗ്രഫിയിലെ ഏറ്റവും മോശം സിനിമകളിൽ ഒന്നായിട്ടാണ് ഈ സിനിമയെ പ്രേക്ഷകർ കണക്കാക്കുന്നത്. എന്നാൽ ഇന്ത്യൻ പ്രേക്ഷകർ മാത്രമാണ് ഇദ്ദേഹത്തിന്റെ സിനിമകളെ ഇങ്ങനെ കണക്കാക്കുന്നത്. ഇന്ത്യയിൽ നിന്നും ഏകദേശം 1400 കോടി സിനിമ കളക്ഷനായി നേടിയിട്ടുണ്ട് എങ്കിലും ഒരു രാജമൗലി സിനിമയ്ക്ക് ഇത്രയൊന്നും കിട്ടിയാൽ പോരാ എന്നാണ് പ്രേക്ഷകർ അഭിപ്രായപ്പെടുന്നത്. അതിനിടയിലാണ് സിനിമയ്ക്ക് അപ്രതീക്ഷിതമായി മറ്റൊരു കോണിൽ നിന്നും അഭിനന്ദന പ്രവാഹം ഉണ്ടായത്.

അമേരിക്കൻ ഓടിയൻസിൽ നിന്നുമാണ് സിനിമയ്ക്ക് വലിയ രീതിയിലുള്ള അഭിനന്ദനങ്ങൾ വന്നത്. ആദ്യമൊക്കെ ഇത് അമേരിക്കയിലുള്ള ഇന്ത്യക്കാരുടെ സുഹൃത്തുക്കൾ ആയിരിക്കും എന്നാണ് സിനിമയുടെ അണിയറ പ്രവർത്തകർ പോലും കരുതിയത്. എന്നാൽ സിനിമ അമേരിക്കയിൽ വലിയ രീതിയിലുള്ള തരംഗം തീർക്കുകയായിരുന്നു. ചരിത്രത്തിൽ ഒരു ഇന്ത്യൻ സിനിമയ്ക്കും ലഭിക്കാത്ത അംഗീകാരം ആയിരുന്നു ഈ സിനിമയ്ക്ക് അവിടെ നിന്നും ലഭിച്ചത്.

ബാഫ്ത അവാർഡുകൾ അടക്കം ചിത്രം സ്വന്തമാക്കിയിരുന്നു. സിനിമ ഇപ്പോൾ ഓസ്കാറിന് മത്സരിക്കുകയാണ്. മികച്ച ഗാനത്തിലുള്ള കാറ്റഗറിയിലാണ് ചിത്രം മത്സരിക്കുന്നത്. സിനിമയിലെ നാട്ടു നാട്ടു എന്ന ഗാനം ആണ് മിക്കവാറും ഇന്ത്യയിലേക്ക് ആദ്യമായി ഓസ്കാർ കൊണ്ടുവരാൻ പോകുന്ന ഗാനം. എം എം കീരവാണി ആണ് ഈ സിനിമയിലെ ഗാനങ്ങൾ ഒരുക്കിയത്.

അതേസമയം ഇപ്പോൾ സിനിമ വീണ്ടും ഇന്ത്യയുടെ അഭിമാനമായി മാറിയിരിക്കുകയാണ്. ലോസ് ആഞ്ചലസിൽ നടന്ന ഹോളിവുഡ് ക്രിട്ടിക്സ് പുരസ്കാരം ആണ് ചിത്രത്തിന് കിട്ടിയിരിക്കുന്നത്. മികച്ച അന്താരാഷ്ട്ര സിനിമ, മികച്ച ആക്ഷൻ സിനിമ, മികച്ച സ്റ്റണ്ട് കൊറിയോഗ്രാഫി, മികച്ച ഒറിജിനൽ സോങ് വിഭാഗങ്ങളിലാണ് ചിത്രം പുരസ്കാരങ്ങൾ നേടിയത്. ഹോളിവുഡ് ക്രിട്ടിക്സ് അസോസിയേഷൻ ആയിരുന്നു ചടങ്ങ് സംഘടിപ്പിച്ചത്.