എനിക്ക് ഉണ്ടായിരുന്നതെല്ലാം ഞാൻ അവർക്കും മകൾക്കും നൽകി, എന്നിട്ടും സ്വന്തം മകളുടെ വിവാഹത്തിന് പോലും പങ്കെടുക്കാൻ സാധിച്ചില്ല

നാടകത്തിലൂടെ സിനിമയിലെത്തിയ താരമാണ് സായികുമാർ. റാംജിറാവ് സ്പീക്കിംഗ് ആയിരുന്ന് സായികുമാറിൻ്റെ ആദ്യത്തെ സിനിമ. ആദ്യ സിനിമ തന്നെ സൂപ്പർ ഹിറ്റ് ആക്കി മാറ്റിയ അപൂർവ്വം നടന്മാരിൽ ഒരാൾ കൂടിയാണ് സായികുമാർ. ഇന്ന് മലയാളത്തിലെ മികച്ച സഹനടൻമാരിൽ ഒരാളാണ് സായ്കുമാർ. നിരവധി അച്ഛൻ വേഷങ്ങളിലൂടെയും വില്ലൻ വേഷങ്ങളിലും തിളങ്ങിയ താരം കൂടിയാണ് ഇദ്ദേഹം. അടുത്തിടെ പുറത്തിറങ്ങിയ ദൃശ്യം 2 എന്ന ചിത്രത്തിൽ ശ്രദ്ധേയമായ ഒരു കഥാപാത്രത്തെ അവതരിപ്പിച്ചിരുന്നു. തിരക്കഥാകൃത്ത് വിനയചന്ദ്രൻ എന്ന കഥാപാത്രത്തെ ആയിരുന്നു സായികുമാർ ഈ ചിത്രത്തിൽ അവതരിപ്പിച്ചത്.

ബിന്ദു പണിക്കർ ആണ് ഇദ്ദേഹത്തിൻറെ ഭാര്യ. ഇന്ന് മലയാളത്തിലെ പ്രശസ്ത താരദമ്പതിമാരിൽ രണ്ടുപേർ ആണ് ഇവർ. 2019 വർഷത്തിലായിരുന്നു ഇരുവരും വിവാഹിതരായത്. ഇരുവരുടേയും രണ്ടാം വിവാഹമാണ് ഇത് എന്ന പ്രത്യേകതയുമുണ്ട്. മലയാള സിനിമയിൽ തിളങ്ങി നിൽക്കുന്ന നടിമാരിൽ ഒരാൾ കൂടിയാണ് ബിന്ദുപണിക്കർ. വളരെ മികച്ച ഒരു സ്വഭാവ നടിന്മാരിൽ രാൾ കൂടിയാണ് ഇവർ. ഏറെ വിവാദങ്ങൾക്കൊടുവിൽ ആയിരുന്നു ഇരുവരും വിവാഹിതരാകാൻ തീരുമാനിച്ചത്.

സായികുമാറിൻ്റെ ഡിവോഴ്സ് ഏറെ ചർച്ച ചെയ്യപ്പെട്ട ഒരു വിഷയമായിരുന്നു. 2009 വർഷത്തിലായിരുന്നു വിവാഹമോചനക്കേസ് തുടങ്ങിയത്. ഏകദേശം പത്ത് വർഷത്തോളം ഈ കേസ് തുടർന്നു. അങ്ങനെ 2017 വർഷത്തിലാണ് വിവാഹമോചനം നേടിയത്. ബിന്ദുപണിക്കർക്ക് അരുന്ധതി എന്ന പേരിൽ ഒരു മകൾ കൂടിയുണ്ട്. ഇരുവരുടെ കൂടെയാണ് താമസം മകൾ നിലവിൽ താമസിക്കുന്നത്.

ഇപ്പോൾ തൻ്റെ ജീവിതത്തിൽ അരങ്ങേറിയ ഏറെ വിഷമകരമായ ഒരു സംഭവത്തെ വിവരിക്കുകയാണ് സായികുമാർ. പ്രസന്നകുമാരി എന്ന ആദ്യഭാര്യയിൽ തനിക്ക് ഒരു മകളുണ്ട്. വൈഷ്ണവി എന്നാണ് ഈ മകളുടെ പേര്. അടുത്തിടെ ആയിരുന്നു വൈഷ്ണവി വിവാഹിതയായത്. എന്നാൽ ഈ വിവാഹത്തിൽ അച്ഛനായ സായികുമാർ പങ്കെടുത്തിരുന്നില്ല. ഇത് ഏറെ വിവാദങ്ങൾ സൃഷ്ടിച്ചിരുന്നു. പങ്കെടുക്കാത്തത് എന്തുകൊണ്ടാണ് എന്ന് വെളിപ്പെടുത്തുകയാണ് ഇപ്പോൾ സായി കുമാർ. വളരെ വേദനയോടെയാണ് സായികുമാർ ഈ കാര്യം പറയുന്നത്.

ഞാൻ ഒന്നുമില്ലായ്മയിൽ നിന്നും തുടങ്ങി എന്തെങ്കിലും ഒക്കെ ആയ ആളാണ്. ഞാൻ നേടിയതെല്ലാം അവർക്കും മകൾക്കും വേണ്ടി ആയിരുന്നു മാറ്റിവെച്ചത്. ഒരു മകളുടെ ഭാവി സുരക്ഷിതമാക്കുക എന്നത് അച്ഛൻറെ കടമയല്ലേ? സന്തോഷത്തോടെ എനിക്കുള്ളതെല്ലാം ഞാൻ അവർക്ക് നൽകിയിരുന്നു. ഏറെ വികാരനിർഭരനായി സായികുമാർ പറയുന്നു.

എന്നാൽ പിന്നീട് മകളും എന്നെ കുറ്റപ്പെടുത്തി സംസാരിക്കുവാൻ തുടങ്ങി. ഞാനവളെ തിരുത്താൻ പോയില്ല. ഏറെ വിഷമത്തോടെ ആയിരുന്നു ഞാൻ അതെല്ലാം കേട്ടത്. അവളുടെ വിവാഹ നിശ്ചയവും ആലോചനയും ഒന്നും എന്നോട് ചോദിച്ചു കൊണ്ട് ആയിരുന്നില്ല. ഒരു കാര്യവും എന്നോട് സംസാരിക്കുമായിരുന്നില്ല. ഒരു ദിവസം വിവാഹം വിളിക്കാൻ ഞാൻ ഇല്ലാത്ത സമയത്ത് അവർ ഫ്ലാറ്റിൽ വന്നിരുന്നു എന്നാണ് അവർ പറയുന്നത്.

പിന്നീട് എനിക്ക് ഒരു സന്ദേശം വാട്സാപ്പിൽ ലഭിക്കുകയുണ്ടായി. അവളുടെ വിവാഹ ക്ഷണക്കത്ത് ആയിരുന്നു എനിക്ക് വാട്സാപ്പിൽ ലഭിച്ചത്. സ്വന്തം മകളുടെ കല്യാണത്തിന് ഒരു അച്ഛനെ ഇങ്ങനെയാണോ വിളിക്കേണ്ടത്? ഒരു അതിഥിയെ പോലെ ആണോ ഞാൻ അവളുടെ കല്യാണത്തിന് പങ്കെടുക്കേണ്ടത്? അങ്ങനെ ഒരു അതിഥിയായി പങ്കെടുക്കേണ്ടതില്ല എന്ന് എനിക്ക് തോന്നി. അതുകൊണ്ട് ആയിരുന്നു ഞാൻ എൻറെ സ്വന്തം മകളുടെ കല്യാണത്തിന് പോകാതിരുന്നത്. സായികുമാർ ആദ്യമായി മനസ്സ് തുറക്കുന്നു.