കരിപ്പൂര് സ്വര്ണക്കടത്ത് ക്വട്ടേഷന് കേസിലെ മുഖ്യപ്രതി അര്ജുന് ആയങ്കിക്കെതിരെ കാപ്പ ചുമത്താന് ശുപാര്ശ. സ്വര്ണ്ണക്കടത്ത്, ക്വട്ടേഷന് കേസുകളുള്ള അര്ജുന് ആയങ്കി സ്ഥിരം കുറ്റവാളിയെന്ന പൊലീസ് റിപ്പോര്ട്ടിന്റെ അടിസ്ഥാനത്തിലാണ് ശുപാര്ശ. കമ്മിഷണര് ആര് ഇളങ്കോ റിപ്പോര്ട്ട് ഡിഐജി രാഹുല് ആര് നായര്ക്ക് കൈമാറി.
2021 ജൂണ് 28 നാണ് അര്ജുന് ആയങ്കിയെ കരിപ്പൂര് സ്വര്ണ്ണക്കടത്ത് കേസില് കസ്റ്റംസ് അറസ്റ്റ് ചെയ്തത്. ഓഗസ്റ്റ് 31ന് അര്ജുന് ആയങ്കിക്ക് കര്ശന ഉപാധികളോടെ ഹൈക്കോടതി ജാമ്യം അനുവദിച്ചു. കാപ്പ ചുമത്തിയാല് അര്ജുന് ആയങ്കിക്ക് കണ്ണൂര് ജില്ലയില് പ്രവേശിക്കാനാകില്ല.
അര്ജുന് ആയങ്കിയും ആകാശ് തില്ലങ്കേരിയും അടങ്ങുന്ന സംഘങ്ങള് കൊടും ക്രിമിനലുകളാണെന്ന് ഡിവൈഎഫ്ഐ സംസ്ഥാന പ്രസിഡന്റ് എസ്. സതീഷ് ആരോപിച്ചിരുന്നു. ഇവരാരും ഡിവൈഎഫ്ഐയുടെ യൂണിറ്റ് കമ്മിറ്റി അംഗങ്ങള് പോലുമല്ലെന്നും സമൂഹ മാധ്യമങ്ങളിലൂടെ കൊടി പിടിച്ചുള്ള ഫോട്ടോകള് പ്രചരിപ്പിച്ച് തങ്ങള് ഡിവൈഎഫ്ഐയാണെന്ന് പ്രചരിപ്പിക്കാന് ശ്രമിക്കുകയാണെന്നുമായിരുന്നു സതീഷ് ചൂണ്ടിക്കാട്ടിയത്.