പെട്രോളിനും ഡീസലിനും ശരിക്കും എത്രയാണ് വില എന്ന് കേട്ടാൽ നിങ്ങൾ ഞെട്ടും, ബാക്കിയെല്ലാം നികുതിയിനത്തിൽ കേന്ദ്രവും സംസ്ഥാനവും വിഴുങ്ങുന്നു

പെട്രോളിനും ഡീസലിനും ചരിത്രത്തിലെ ഏറ്റവും ഉയർന്ന വിലയാണ് ഇപ്പോൾ. പല പല കാരണങ്ങൾ ആണ് കേന്ദ്രസർക്കാർ ഇതിനു പറഞ്ഞു കൊണ്ടിരിക്കുന്നത്. അന്താരാഷ്ട്രതലത്തിൽ വില കൂടിയത് കൊണ്ടാണ് ഇന്ത്യയിലും കൂട്ടേണ്ടി വന്നത് എന്നാണ് അവരുടെ സ്ഥിരം ന്യായീകരണം. എന്നാൽ കഴിഞ്ഞ സർക്കാർ ഭരിക്കുന്ന കാലത്ത് ഇവർ ഇങ്ങനെ ആയിരുന്നില്ല പറഞ്ഞത്.

കഴിഞ്ഞ സർക്കാർ ഭരിക്കുന്ന കാലത്ത് ഇതിലും കൂടിയ വിലയിൽ ആയിരുന്നു ക്രൂഡോയിൽ വാങ്ങിയിരുന്നത്. എന്നാൽ ഇപ്പോൾ വിൽക്കുന്നതിനേക്കാൾ കുറഞ്ഞ വിലയിൽ ആയിരുന്നു അന്ന് പെട്രോളും ഡീസലും വിറ്റത്. അന്ന് ഇന്ധന വിലക്കെതിരെ വലിയ രീതിയിലുള്ള പ്രക്ഷോഭങ്ങൾ സംഘടിപ്പിച്ച പാർട്ടിയാണ് ഇന്ന് ഭരിക്കുന്നത്. എന്നാൽ അവർ ഇപ്പോൾ ഇന്ധന വില വർദ്ധനവിനെ ഓടിനടന്ന് ന്യായീകരിക്കുകയാണ്. എന്നാൽ സത്യത്തിൽ എത്രയാണ് പെട്രോളിനും ഡീസലിനും വില? എങ്ങനെയാണ് നമ്മൾ കൊടുക്കുന്ന ഇത്രയും ഭീമമായ തുക വിനിയോഗിക്കപ്പെടുന്നത്? നമുക്ക് പരിശോധിക്കാം.

29.78 ആണ് സത്യത്തിൽ പെട്രോളിന് നൽകപ്പെടുന്ന വില. ഈ വിലയ്ക്ക് ആണ് നമ്മുടെ രാജ്യം പുറത്തുനിന്നും ഇന്ധനം പെട്രോൾ വാങ്ങുന്നത്. 32.98 ആണ് കേന്ദ്രം നികുതി ഇനത്തിൽ വാങ്ങുന്നത്. മറ്റ് എക്സൈസ് ഡ്യൂട്ടികൾ കൂടിച്ചേരുമ്പോൾ 62.96 രൂപയാകും വില. ഇതിനു പുറമേ 18.94 രൂപ സംസ്ഥാന സർക്കാർ നികുതിയിനത്തിൽ വാങ്ങുന്നു. അങ്ങനെയാണ് നമ്മൾ 84 രൂപയ്ക്ക് ഇന്ന് പെട്രോൾ അടിക്കുന്നത്.

ഡീസലിൻ്റെ അടിസ്ഥാന വില 30.95 രൂപയാണ്. എന്നാൽ ഇതിൽ നികുതിയും കമ്മീഷനും മറ്റ് ഡ്യൂട്ടികളും ചേരുമ്പോൾ അത് 80.67 രൂപയായി മാറും. അതായത് ഏകദേശം ഒന്നര ഇരട്ടി വിലയ്ക്കാണ് നമ്മൾ ഡീസൽ വാങ്ങുന്നത്. വളരെ കോംപ്ലക്സ് ആയിട്ടുള്ള നികുതി സംവിധാനമാണ് നമ്മുടെ രാജ്യത്തുള്ളത്. ഇത് ഒഴിവാക്കുന്നതിനു വേണ്ടി ആയിരുന്നു ജി എസ് ടി അവതരിപ്പിച്ചത്. എന്നാൽ പെട്രോൾ ഡീസൽ മേഖലയിൽ അത് ഇപ്പോഴും നടപ്പാക്കിയിട്ടില്ല.