വ്യാജ വിഡിയോ ഉണ്ടാക്കി തൃക്കാക്കരയിലെ ഇടതുമുന്നണി സ്ഥാനാര്ത്ഥി ഡോ.ജോ ജോസഫിനെ അപമാനിച്ചെന്ന പരാതിയില് ഒരാള് അറസ്റ്റില്. പാലക്കാട് സ്വദേശി ശിവദാസന് ആണ് അറസ്റ്റിലായത്. കെടിഡിസി ജീവനക്കാരനായ ഇയാള് മുന് യൂത്ത് കോണ്ഗ്രസ് ഭാരവാഹിയാണ്.
സംഭവത്തില് തൃക്കാക്കരയില് അഞ്ച് പേര്ക്കെതിരെയാണ് പൊലീസ് കേസെടുത്തിട്ടുള്ളത്. പ്രതികള് വ്യാജ ഐ.ഡിയുണ്ടാക്കിയാണ് ഫേസ്ബുക്കില് വ്യാജ വിഡിയോ അപ്ലോഡ് ചെയ്തതെന്ന് പൊലീസ് പറഞ്ഞു. അശ്ലീല വിഡിയോ പ്രചരിപ്പിച്ചതിന് പിന്നില് പ്രവര്ത്തിച്ചെന്ന് കരുതുന്ന അഞ്ചംഗ സംഘത്തെ പൊലീസ് കസ്റ്റഡിയിലെടുത്തിട്ടുണ്ട്. ഇവരെ വിവിധ സ്റ്റേഷനുകളില് പൊലീസ് ചോദ്യം ചെയ്തുവരികയാണ്.
കണ്ണൂര്, കോഴിക്കോട്, പാലക്കാട്, കൊല്ലം ജില്ലകളില് നിന്നുള്ളവരാണ് പൊലീസ് കസ്റ്റഡിയിലുള്ളത്. ദൃശ്യങ്ങള് പ്രചരിപ്പിച്ചതിന് പിന്നില് ആസൂത്രിതമായ നീക്കമുണ്ട് എന്നാണ് ഇതുവരെയുള്ള അന്വേഷണത്തില് വ്യക്തമായിട്ടുള്ളത്.