പ്രിയ സുഹൃത്തിനോടുള്ള സ്നേഹത്തിന്റെ വാര്ത്തയാണ് സോഷ്യല് മീഡിയയില് ശ്രദ്ധ നേടുന്നത്. ബാല്യകാലം മുതല് ഒപ്പമുള്ള തന്റെ ഉറ്റ സുഹൃത്തിന് ഒരു മെഴ്സിഡസ് ബെന്സ് ജിഎല്എസ് സമ്മാനിച്ചിരിക്കുകയാണ് പ്രസിദ്ധ പഞ്ചാബി ഗായകന് മിക്ക സിംഗ്.
തന്റെ ഉറ്റസുഹൃത്തായ കന്വല്ജീത് സിംഗിന് ആണ് 80 ലക്ഷം രൂപ വില വരുന്ന മെഴ്സിഡസ് ബെന്സ് ജിഎല്എസ് ഗായകന് സമ്മാനമായി നല്കിയത്. മിക സിങ്ങിനും അദ്ദേഹത്തിന്റെ പുതിയ കാറിനുമൊപ്പമുള്ള ഒരു ചിത്രവും കന്വല്ജീത് സിംഗ് പങ്കിട്ടു.
‘ഞങ്ങള് ഒരുമിച്ചിട്ട് 30 വര്ഷമായി. അവന് എന്റെ സുഹൃത്തോ ബോസോ മാത്രമല്ല, അതിനപ്പുറമാണ്. ഞങ്ങള് ജീവിതകാലം മുഴുവന് സഹോദരങ്ങളാണ്. എന്റെ പ്രിയപ്പെട്ട കാര് എനിക്ക് സമ്മാനിച്ചതിന് പാജിക്ക് നന്ദി,
ഇത് തികച്ചും അത്ഭുതകരമാണ്. നിങ്ങള്ക്ക് ഏറ്റവും വലിയ ഹൃദയമുണ്ട്, നിങ്ങളുടെ ഈ സമ്മാനം ഞാന് എപ്പോഴും വിലമതിക്കുന്നു എന്ന് ചിത്രങ്ങള് പങ്കുവച്ച് കന്വല്ജീത് സിംഗ് തന്റെ കുറിപ്പില് എഴുതി.
‘ഞങ്ങള് എപ്പോഴും നമുക്കായി സാധനങ്ങള് വാങ്ങുന്നു, എന്നാല് നമുക്കുവേണ്ടി കഠിനാധ്വാനം ചെയ്യുന്നവരെക്കുറിച്ച് ഒരിക്കലും ചിന്തിക്കാറില്ല! എന്റെ സുഹൃത്ത് ഒരുപാട് സന്തോഷം അര്ഹിക്കുന്നു’-എന്ന് മറുപടിയായി മിക സിംഗും കുറിച്ചു.
അതേസമയം ബോളിവുഡിലെ ഏറ്റവും പ്രശസ്തനും സ്വാധീനമുള്ളതുമായ പഞ്ചാബി ഗായകരില് ഒരാളാണ് മിക്ക സിംഗ്. പഞ്ചാബി, ഹിന്ദി, ബംഗാളി ഗാനങ്ങള് താരം ആലപിച്ചിട്ടുണ്ട്. വലിയ ആരാധക വൃന്ദം താരത്തിനുണ്ട്.