ഉണ്ണി മുകുന്ദൻ നായകനായി എത്തി നവാഗതനായ വിഷ്ണു ശശി ശങ്കർ സംവിധാനം ചെയ്ത ചിത്രമാണ് മാളികപ്പുറം. റിലീസ് ദിനം മുതൽ മികച്ച പ്രേക്ഷക പ്രതികരണം നേടി കൊണ്ടിരിക്കുകയാണ് ചിത്രം.
കഴിഞ്ഞു ഡിസംബർ 30ന് തിയേറ്ററിൽ എത്തിയ ചിത്രം ബോക്സ് ഓഫീസിൽ കുതിപ്പ് തുടരുകയാണ്.2022 ലെ അവസാന റിലീസുകളില് ഒന്നായി ഡിസംബര് 30 ന് തിയറ്ററുകളിലെത്തിയ ചിത്രം മൂന്നാം വാരത്തിലേക്ക് പ്രവേശിക്കുമ്പോഴും പ്രേക്ഷകരെ നേടുന്നുണ്ട്.
ഉണ്ണി മുകുന്ദന്റെ കരിയറിലെ ഏറ്റവും വലിയ വിജയം ആയിരിക്കും ചിത്രം എന്നായിരുന്നു പ്രേക്ഷകർ അഭിപ്രായപ്പെട്ടത്. ഇപ്പോഴിതാ ഇത് ശരി വക്കുന്ന റിപ്പോർട്ട് എത്തിയിരിക്കുകയാണ്.
ചിത്രത്തിന്റെ ബോക്സ് ഓഫീസ് കളക്ഷൻ റിപ്പോർട്ട് പുറത്ത് വിട്ടിരിക്കുകയാണ് നിർമാതാക്കൾ. ചിത്രം 25 കോടി ക്ലബ്ബിൽ ഇടം പിടിച്ചിരിക്കുകയാണ് എന്നാണ് നിർമാതാക്കൾ പറയുന്നത്.
ചിത്രം നിര്മ്മിച്ച ബാനറുകളില് ഒന്നായ കാവ്യ ഫിലിം കമ്പനി സോഷ്യല് മീഡിയയിലൂടെയാണ് ഇക്കാര്യം അറിയിച്ചത് . ഉണ്ണി മുകുന്ദന്റെ ആദ്യ 25 കോടി ക്ലബ്ബ് ചിത്രമാണിത്.
നവാഗതനായ വിഷ്ണു ശശിശങ്കര് സംവിധാനം ചെയ്ത ചിത്രം ഭക്തിയുടെ വഴിയേ സഞ്ചരിക്കുന്ന എന്റര്ടെയ്നര് ആണ്. ബാലതാരം ദേവനന്ദയാണ് ചിത്രത്തിലെ കേന്ദ്ര കഥാപാത്രത്തെ അവതരിപ്പിച്ചിരിക്കുന്നത്.
ഉണ്ണിമുകുന്ദനെ കൂടാതെ ഇന്ദ്രൻസ്, മനോജ് കെ ജയൻ, സൈജു കുറുപ്പ്, രമേശ് പിഷാരടി, സമ്പത്ത് റാം, ശ്രീപഥ്, ദേവനന്ദ, ആൽഫി പഞ്ഞിക്കാരൻ എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നു.
നാരായം, കുഞ്ഞിക്കൂനൻ, മിസ്റ്റർ ബട്ലർ തുടങ്ങിയ ചിത്രങ്ങള് ഒരുക്കിയ സംവിധായകന് ശശിശങ്കറിന്റെ മകനാണ് വിഷ്ണു ശശിശങ്കര്. ചിത്രത്തിന്റെ എഡിറ്റിംഗും നിര്വ്വഹിക്കുന്നത് വിഷ്ണുവാണ്. അഭിലാഷ് പിള്ളയുടേതാണ് രചന.
പത്താം വളവ്, നൈറ്റ് ഡ്രൈവ്, കടാവർ എന്നീ ചിത്രങ്ങൾക്കു ശേഷം അഭിലാഷ് പിള്ള ഒരുക്കുന്ന തിരക്കഥയാണിത്.
ആന്റോ ജോസഫിന്റെ ഉടമസ്ഥതയിലുള്ള ആന് മെഗാ മീഡിയയും വേണു കുന്നപ്പിള്ളിയുടെ ഉടമസ്ഥതയിലുള്ള കാവ്യ ഫിലിം കമ്പനിയും ചേര്ന്നാണ് ചിത്രം നിര്മ്മിക്കുന്നത്.