കോഴിക്കോട്: സ്കൂള് കെട്ടിടത്തില് ഗണപതി ഹോമം സംഘടിപ്പിച്ചതില് മാനേജര് കസ്റ്റഡിയില്.
കോഴിക്കോട് കായക്കൊടി പഞ്ചായത്തിലെ നെടുമണ്ണൂര് സ്കൂളിലാണ് ചൊവ്വാഴ്ച്ച രാത്രി ഹോമം സംഘടിപ്പിച്ചത്.
സ്കൂളിന്റെ പുതിയ കെട്ടിടം പണി പൂര്ത്തിയായ സാഹചര്യത്തിലാണ് മാനേജ്മെന്റ് പൂജ സംഘടിപ്പിച്ചത്.
രണ്ട് വ്യത്യസ്ത സ്ഥലങ്ങളിലായി വ്യത്യസ്ത പൂജകളാണ് നടത്തിയത്. ഒരു പൂജ പ്രധാനാധ്യാപകന്റെ ഓഫീസ് മുറിയില് തന്നെയാണെന്നാണ് വിവരം.
പ്രദേശത്തെ സിപിഐഎം പ്രവര്ത്തകര് പ്രതിഷേധവുമായി രംഗത്തെത്തിയതോടെ ഹോമം പാതിവഴിയില് ഉപേക്ഷിക്കേണ്ടി വന്നു.
പിന്നാലെയാണ് പൊലീസെത്തി സ്കൂള് മാനേജരെ കസ്റ്റഡിയിലെടുത്തത്. മാനേജരുടെ അറസ്റ്റ് രേഖപ്പെടുത്തി വിട്ടയച്ചു.
അതേസമയം സംഭവത്തെക്കുറിച്ച് താന് ഒന്നും അറിഞ്ഞിട്ടില്ലെന്നാണ് സ്കൂള് ഹെഡ്മാസ്റ്റര് സജിത മാധ്യമങ്ങളോട് പറഞ്ഞത്.
അതേസമയം സ്കൂളിലേക്ക് ഇന്ന് ഡിവൈഎഫ്ഐ, എസ്എഫ് പ്രവര്ത്തകര് പ്രതിഷേധ മാര്ച്ച് സംഘടിപ്പിക്കും. രാവിലെ 9 ന് മാര്ച്ച് നടത്താനാണ് തീരുമാനം.