ഇന്ത്യയിൽ ഏറെ ജനപ്രിയത നേടിയ പരിപാടിയാണ് ബിഗ് ബോസ്. മലയാളത്തിൽ മോഹൻലാലാണ് അവതാരകരായി എത്തുന്നത് എങ്കിൽ ഹിന്ദി പതിപ്പിൽ സൽമാൻ ഖാനാണ്. തമിഴ് പതിപ്പ് അവതരിപ്പിക്കുന്നതിനു സാക്ഷാൽ ഉലകനായകൻ കമൽഹാസൻ ആണ്. തമിഴ് പതിപ്പിലെ മത്സരാർഥി ആയിരുന്നു നടി കസ്തൂരി. പരിപാടിയുടെ രണ്ടാം സീസണിലാണ് കസ്തൂരി മത്സരാർത്ഥിയായി എത്തിയത്.
കഴിഞ്ഞ ദിവസം നടി കസ്തൂരി ചാനൽ അധികൃതർക്കെതിരെ ഒരു ആരോപണം ഉന്നയിച്ചിരുന്നു. ബിഗ് ബോസ് പരിപാടിയിൽ മത്സരാർത്ഥിയായ എത്തിയെങ്കിലും അതിൻറെ പ്രതിഫലം ഇതുവരെ നൽകിയിട്ടില്ല എന്നായിരുന്നു ആരോപണം. പരിപാടി നിർത്തിയിട്ടു ഒരു വർഷം ആയെങ്കിലും ഇതുവരെ തൻറെ ശമ്പളം നൽകിയിട്ടില്ല എന്നായിരുന്നു നടി ആരോപിച്ചത്. പരിപാടിയിൽ വൈൽഡ് കാർഡ് എൻട്രിയിലൂടെ ആയിരുന്നു കസ്തൂരി എത്തിയത്.
വലിയ കോളിളക്കം ആണ് കസ്തൂരിയുടെ വരവോടെ ബിഗ് ബോസ് വീട്ടിൽ സംഭവിച്ചത്. എന്നാൽ അധികം വൈകാതെ തന്നെ താരം പുറത്തുപോവുകയായിരുന്നു. എന്നാൽ പിന്നീട് പുറത്തുവന്ന് ചാനൽ അധികൃതർക്കെതിരെ വലിയ രീതിയിലുള്ള വിമർശനങ്ങൾ കസ്തൂരി നടത്തിയിരുന്നു. തന്നെ പരിപാടിയിൽ അവതരിപ്പിച്ച വിധം ഒട്ടും ശരിയായില്ല എന്ന തരത്തിലുള്ള വിമർശനങ്ങൾ ആദ്യം മുതൽക്കേ കസ്തൂരി പറയുന്നുണ്ടായിരുന്നു.
ഇപ്പോൾ വിമർശനങ്ങൾക്ക് എല്ലാം മറുപടിയുമായി എത്തിയിരിക്കുകയാണ് ചാനൽ അധികൃതർ. “ഞങ്ങൾ ഉത്തരവാദിത്വമുള്ള ഒരു ചാനലാണ്. മത്സരാർത്ഥികൾക്ക് എല്ലാം കൃത്യമായി പ്രതിഫലം നൽകാറുണ്ട്. നടി കസ്തൂരി ഉള്ള പ്രതിഫലം കഴിഞ്ഞ ഡിസംബർ മാസം തന്നെ നൽകിയതാണ്. എന്നാൽ പിന്നീട് ജിഎസ്ടി കണക്കുകൾ ബോധിപ്പിക്കുന്നതിന് വേണ്ടി പ്രതിഫലം താൽക്കാലികമായി തടഞ്ഞുവെക്കുകയായിരുന്നു. നടി ഇതുവരെ ജിഎസ്ടി സംബന്ധമായ പേപ്പറുകൾ ഒന്നും ഹാജരാക്കിയിട്ടില്ല. അവർ ഹാജരാക്കുന്നതിന് വേണ്ടി കാത്തിരിക്കുകയാണ്” – ഇതായിരുന്നു ചാനൽ നൽകിയ മറുപടി.
എന്നാൽ ഇതിനു ശേഷം കസ്തൂരി മറുപടി ഒന്നും പറഞ്ഞിട്ടില്ല. നാളെ ആണ് ബിഗ് ബോസ് പുതിയ പതിപ്പ് ആരംഭിക്കുന്നത്. ആരൊക്കെ ആയിരിക്കും അതിഥികളായി എത്തുന്നത് എന്നത് സംബന്ധിച്ച് ഇതുവരെ കൃത്യത ഒന്നും വന്നിട്ടില്ല. അതുകൊണ്ടുതന്നെ കാണുന്നവർക്ക് ഒരു ഗംഭീര സർപ്രൈസ് ആയിരിക്കും പരിപാടിയിൽ ഉണ്ടാകാൻ പോകുന്നത്