അല്പം വൈകാരികതയുണ്ട്. സ്വന്തം കൂട്ടുകാർ പോലും തിരിച്ചറിയപ്പെടാതെ പോകുന്ന വ്യക്തികളുടെ സ്വപ്നങ്ങൾക്ക് വഴികാട്ടിയാണ് സിജു. തൻറെ അടുത്ത സുഹൃത്തിനെ കുറിച്ച് സംവിധായകൻ ജൂഡ് എഴുതിയ പോസ്റ്റ് കണ്ടോ? അപ്പോൾ നിങ്ങൾക്കും അദ്ദേഹത്തെക്കുറിച്ച് ഇതൊന്നും അറിയില്ലായിരുന്നല്ലേ എന്ന് അമ്പരന്ന് പ്രേക്ഷകർ.

സിജു വിൽസനെ നായകനാക്കി വിനയൻ സംവിധാനം ചെയ്ത ഏറ്റവും പുതിയ ചിത്രമാണ് പത്തൊമ്പതാം നൂറ്റാണ്ട്. ചിത്രം തിയേറ്ററിൽ സാമാന്യം മികച്ച പ്രതികരണമാണ് നേടിയത്. ചിത്രം പുറത്തിറങ്ങിയതിന് പിന്നാലെ പ്രശംസിച്ച നിരവധി പേരാണ് വന്നത്. ആറാട്ടുപുഴ വേലായുധ പണിക്കർ എന്ന കഥാപാത്രത്തെയാണ് ഇദ്ദേഹം ഇതിൽ അവതരിപ്പിച്ചത്.

ഗോകുലം മൂവീസ് ആണ് ചിത്രത്തിൻറെ നിർമ്മാണം. ഒരു ഇടവേളയ്ക്കു ശേഷമാണ് വിനയൻ മലയാള സിനിമയിൽ തിരിച്ചെത്തുന്നത്. തിരിച്ചുവരവ് അദ്ദേഹം ഗംഭീരമാക്കി എന്ന് പലരും അഭിപ്രായപ്പെടുന്നു. സെപ്റ്റംബർ എട്ടിനാണ് ചിത്രം തീയറ്ററുകളിൽ എത്തിയത്. ചിത്രത്തിൽ നായികയായി എത്തിയത് അന്യഭാഷ താരമായ കയാദു ലോഹർ ആണ്.

നങ്ങേലി എന്ന കഥാപാത്രത്തെയാണ് കയാധു ചിത്രത്തിൽ അവതരിപ്പിച്ചത്. ഇപ്പോഴിതാ തന്റെ അടുത്ത സുഹൃത്തായ സിജുവിനെ കുറിച്ച് സംവിധായകൻ ജൂഡ് ഒരു പോസ്റ്റ് പങ്കുവെച്ചിരിക്കുകയാണ്. ഇത്രയും ഹാർഡ് വർക്ക് ചെയ്യുന്ന വ്യക്തിയാണ് സിജു എന്ന് തനിക്ക് അറിയില്ലായിരുന്നു എന്ന് ജൂഡ് വ്യക്തമാക്കുന്നു. അദ്ദേഹം പങ്കുവെച്ച ആ പോസ്റ്റിലൂടെ.

ഇതൊരല്പം വൈകാരിക പോസ്റ്റാണ്. സിജു വിൽസൻ എന്ന കൂട്ടുകാരന്റെ വളർച്ചയിൽ അവന്റെ നേട്ടത്തിൽ സന്തോഷിക്കുന്ന ഒരു കൂട്ടുകാരന്റെ വാക്കുകൾ. ഇത്രയും ഹാർഡ് വർക്ക് ചെയ്യുന്ന ഒരാളാണെന്ന് സത്യായിട്ടും എനിക്കറിയില്ലായിരുന്നു. സിജു ഒരുപാട്പേർക്കു പ്രചോദനമാണ് , സ്വന്തം കൂട്ടുകാർ പോലും തിരിച്ചറിയാതെ പോകുന്ന പക്ഷെ ഒരുപാട് സ്വപ്നങ്ങളും കഴിവുകളുമുള്ള സിനിമ ആഗ്രഹിക്കുന്ന ലക്ഷങ്ങൾക്കുള്ള വഴികാട്ടി. നാളെ ഇന്ത്യൻ സിനിമയിൽ തന്നെ മാർക്കറ്റുള്ള ഒരുഗ്രൻ നടനായി വരട്ടെ അളിയാ. God bless. Thank you Vinayan sir for 19ആം നൂറ്റാണ്ട്.