സംവിധായകനാണ് ജയരാജിന്റെ ഒരു അഭിമുഖമാണ് ഇപ്പോൾ ശ്രദ്ധേയമാവുന്നത്.സില്ലി മോങ്ക്സ് മോളിവുഡിനോടാണ് അദ്ദേഹം സംസാരിച്ചത്.അദ്ദേഹം സംസാരിച്ച കാര്യങ്ങൾ ഇതാണ്,”ഹൈവേ 2 ചെയ്യാന്വേണ്ടി എല്ലാം ഒരുക്കിവന്നു. കാസ്റ്റിംഗ് കോള് പോലും ചെയ്തിരുന്നു. പക്ഷേ ചില സാങ്കേതിക കാരണങ്ങള് കൊണ്ട് മാറ്റിവച്ചു. ജോണി വാക്കര് 2 ചെയ്യാന്വേണ്ടി മമ്മൂക്കയോടും പറഞ്ഞു, ദുല്ഖറിനോടും പറഞ്ഞു. അതിന്റെ കഥയൊക്കെ റെഡിയാണ്, സെറ്റ് ആണ്. അത് ഷുവര് ഹിറ്റും ആയിരിക്കുമെന്ന് നമുക്ക് അറിയാം. കാരണം ആ തരത്തിലാണ് അതിനെ പ്ലേസ് ചെയ്തിരിക്കുന്നത്. പക്ഷേ അവര്ക്ക് രണ്ടാള്ക്കും അത്ര താല്പര്യമില്ല. അതുകൊണ്ട് തല്ക്കാലം മാറ്റിവച്ചിരിക്കുകയാണ്. ഉപേക്ഷിച്ചിട്ടില്ല”, ജയരാജ് പറയുന്നു.
ജോണി വാക്കറിന്റെ തുടര്ച്ചയെക്കുറിച്ച് തനിക്കുള്ള ആലോചനയെക്കുറിച്ച് ജയരാജ് 2019 ല് ഏഷ്യാനെറ്റ് ന്യൂസ് ഓണ്ലൈനിനോട് സംസാരിച്ചിരുന്നു- “പല സ്ഥലത്ത് പോകുമ്പോഴും, പലരും അവരുടെ ഫേവറിറ്റ് സിനിമകളില് ഒന്നായി ജോണി വാക്കറിന്റെ കാര്യം പറയാറുണ്ട്. അതിലെ പാട്ടുകളും ഫാഷനും മൊത്തം പാറ്റേണുമൊക്കെ ആളുകള്ക്ക് വലിയ ഇഷ്ടമാണ്. തൊണ്ണൂറുകളില് ഇറങ്ങിയ സിനിമയ്ക്ക് ആ അര്ഥത്തില് ഇപ്പോഴും ഒരു പുതുമയുണ്ട്. പുതിയ തലമുറയും പഴയ തലമുറയും ഒരുപോലെ ഇഷ്ടപ്പെടുന്ന ഒരു സ്റ്റൈല് അതിനുണ്ട്. അതുകൊണ്ടാണ് അതിന്റെ തുടര്ച്ചയ്ക്ക് ഒരു പോസിബിലിറ്റി ഉണ്ടെന്ന് മനസിലാക്കിയത്.”
മറ്റൊന്ന്,”പിന്നെ എനിക്ക് ഈ സിനിമയോടുള്ള വ്യക്തിപരമായ ഒരിഷ്ടക്കൂടുതല് ഉണ്ട്. എന്റെ കഥയില് ജോണി വാക്കര് എന്ന ആ കഥാപാത്രം മരിക്കുന്നില്ലായിരുന്നു. മമ്മൂക്കയോട് പറയുന്ന സമയത്തും കഥ അങ്ങനെ ആയിരുന്നില്ല, ജോണി വാക്കര് മരിക്കുന്നില്ലായിരുന്നു. പിന്നെ, ചില പ്രത്യേക സാഹചര്യങ്ങളാല് കഥാപാത്രത്തെ ജസ്റ്റിഫൈ ചെയ്യാന് അങ്ങനെ ആക്കിയതാണ്. അത് എന്റെ മനസ്സില് ഒരു കുറ്റബോധമായി അവശേഷിക്കുന്നുണ്ടായിരുന്നു. ആ തെറ്റ് തിരുത്തണമെന്ന ചിന്ത എപ്പോഴും മനസില് ഉണ്ടായിരുന്നു”