കര്ണാടക ബിജെപി എംഎല്എ ഹരീഷ് പൂഞ്ജയുടെ പ്രസംഗം വിവാദമാകുന്നു. ഹിന്ദു സ്ത്രീകള് ഒന്നോ രണ്ടോ കുട്ടികളെ പ്രസവിച്ചാല് പോരെന്നും എണ്ണം വര്ദ്ധിപ്പിച്ചില്ലെങ്കില് മുസ്ലീങ്ങള് ഹിന്ദുക്കളെക്കാള് കൂടുതലാകുമെന്നും ആണ് ഹരീഷ് പൂഞ്ജ പറഞ്ഞത്.
മുസ്ലീങ്ങള് ഭൂരിപക്ഷമായാല് ഹിന്ദുക്കളുടെ അവസ്ഥയെ കുറിച്ച് ചിന്തിക്കണമെന്നും ഹരീഷ് പൂഞ്ജ പറഞ്ഞു. ബിജെപി എംഎല്എയുടെ വിദ്വേഷ പ്രസംഗത്തിന് എതിരെ വിമര്ശനം ഉയരുന്നുണ്ട്.
ഇന്ത്യയില് ഹിന്ദു ജനസംഖ്യ 80 കോടിയും മുസ്ലീങ്ങള് 20 കോടിയും ആണെന്നാണ് ധാരണ. എന്നാല് നാം മറ്റൊരു രീതിയില് ചിന്തിക്കണം.
മുസ്ലീങ്ങള് രാജ്യത്ത് എണ്ണത്തില് കുറവാണെന്നും അതുകൊണ്ട് അവരെക്കൊണ്ട് യാതൊരു പ്രശ്നവും ഉണ്ടാവില്ലെന്നാണ് നമ്മുടെ വിശ്വാസം. എന്നാല് അവര് നാല് കുട്ടികള്ക്ക് ജന്മം നല്കുന്നുവെന്നും എംഎല്എ പറഞ്ഞു.
ഹിന്ദുക്കള് ഒന്നോ രണ്ടോ കുട്ടികള്ക്കാണ് ജന്മം നല്കുന്നത്. 20 കോടി മുസ്ലീങ്ങള് നാല് കുട്ടികള്ക്ക് വീതം ജന്മം നല്കിയാല് അവരുടെ ജനസംഖ്യ 80 കോടിയാകും.
ഹിന്ദുക്കളുടെ ജനസംഖ്യ വൈകാതെ 20 കോടിയായി കുറയുകയും ചെയ്യും. മുസ്ലീങ്ങള് ഭൂരിപക്ഷമായാല് ഹിന്ദുക്കളുടെ അവസ്ഥയെ കുറിച്ച് ചിന്തിക്കണമെന്നും ഹരീഷ് പൂഞ്ജ അഭിപ്രായപ്പെട്ടു.
കര്ണാടക ബെല്ത്തങ്ങാടി നിയമസഭ മണ്ഡലത്തില് നിന്നുള്ള പ്രതിനിധിയാണ് ഹരീഷ്.