മലയാള സിനിമ പ്രേമികള് ഒന്നടങ്കം വന് പ്രതീക്ഷയോടെ കാത്തിരിക്കുന്ന പുതിയ ചിത്രമാണ് ‘മലൈക്കോട്ടൈ വാലിബന്’. മലയാളത്തിന്റെ കംപ്ലീറ്റ് ആക്ടര് മോഹന്ലാലും മലയാളത്തിന്റെ ഇന്റര്നാഷ്ണല് സംവിധായകന് ലിജോ ജോസ് പെല്ലിശ്ശേരിയും ഒന്നിക്കുന്ന ചിത്രമെന്ന നിലയില് വന് പ്രതീക്ഷയാണ് ചിത്രത്തിന് മേല് മലയാളികള് കാത്തുവച്ചിരിക്കുന്നത്.
അതുകൊണ്ട് തന്നെ സിനിമയുമായി ബന്ധപ്പെട്ട അപ്ഡേറ്റുകള് എല്ലാം തന്നെ പ്രേക്ഷക ശ്രദ്ധനേടാറുമുണ്ട്. ഇപ്പോഴിതാ ചിത്രത്തില് മോഹന്ലാലിന് ഒപ്പമുള്ള ഷെഡ്യൂള് പൂര്ത്തിയാക്കിയ സന്തോഷം പങ്കുവയ്ക്കുക ആണ് നടന് ഹരീഷ് പേരടി.
ആറ് മാസമായി താന് മലൈക്കോട്ടൈ വാലിബന്റെ ഷൂട്ടില് ആയിരുന്നു എന്നും കഴിഞ്ഞ ദിവസം മോഹന്ലാലും ഒന്നിച്ചുള്ള ഷൂട്ടിംഗ് കഴിഞ്ഞുവെന്നും ഹരീഷ് പേരടി പറയുന്നു.
ഈ നടന വാലിഭന്റെ ആലിംഗനം എന്റെ അഭിനയ ജീവിതത്തിലെ നിറമുള്ള ഒരു ഏടാണ് എന്നും മോഹന്ലാലിന് പൊന്നാട അണിയിക്കുന്ന ഫോട്ടോ പങ്കുവച്ച് ഹരീഷ് പേരടി കുറിച്ചു.സോഷ്യല് മീഡിയ പോസ്റ്റിലൂടെയായിരുന്നു ഹരീഷ് പേരടി ഇക്കാര്യം പറഞ്ഞത്. പോസ്റ്റിന്റെ പൂര്ണ്ണരൂപം.-
ആറ് മാസമായി അഭിനയകലയുടെ ഈ ഉസ്താദിനൊടൊപ്പം എനിക്ക് പരിചയമില്ലാത്ത ഏതോ ഭൂമികയിലൂടെ,ഏതോ കാലത്തിലൂടെയുള്ള ഒരു യാത്രയായിരുന്നു…ഇന്ന് ഈ സിനിമയുടെ ഞങ്ങളൊന്നിച്ചുള്ള അവസാന ഷോട്ട് കഴിഞ്ഞ് ക്യാമറ കണ് ചിമ്മിയപ്പോള്..
ഈ നടന വാലിഭന്റെ ആലിംഗനം എന്റെ അഭിനയ ജീവിതത്തിലെ നിറമുള്ള ഒരു ഏടാണ്…ഞങ്ങളുടെ കഥാപാത്രങ്ങളെയും ഞങ്ങളിലെ അഭിനേതാക്കളെയും ഞങ്ങള് എന്ന മനുഷ്യരെയും ഒന്നും വേര്തിരിക്കാന് പറ്റാതെയുള്ള രണ്ട് ശരീരങ്ങളുടെ പരസ്പ്പര ബഹുമാനത്തിന്റെ സ്നേഹ മുഹൂര്ത്തം …ലാലേട്ടാ….????????????
അതേസമയം, മറാഠി നടി സൊണാലി കുല്ക്കര്ണി, ഹരീഷ് പേരാടി, മണികണ്ഠന് ആചാരി, രാജീവ് പിള്ള, ഡാനിഷ്, ഹരിപ്രശാന്ത് വര്മ, സുചിത്ര നായര് തുടങ്ങിയവര് ചിത്രത്തില് വേഷമിടുന്നുണ്ട്.
ക്രിസ്മസ് റിലീസ് ആയാണ് വാലിബന് എത്തുകയെന്നാണ് റിപ്പോര്ട്ട്. പ്രശാന്ത് പിള്ളയാണ് വാലിബന്റെ സംഗീത സംവിധാനം നിര്വഹിക്കുന്നത്. മധു നീലകണ്ഠനാണ് ചിത്രത്തിന്റെ ഛായാഗ്രഹണം. വസ്ത്രാലങ്കാരം റോണക്സ് സേവ്യര് ആണ്.
ഷിബു ബേബി ജോണിന്റെ ജോണ് ആന്ഡ് മേരി ക്രിയേറ്റീവിനൊപ്പം മാക്സ് ലാബ് സിനിമാസ്, സെഞ്ച്വറി ഫിലിംസ് എന്നിവരും ‘ നിര്മ്മാണ പങ്കാളികളാണ്.