ദില്ലി: മെറ്റയുടെ കീഴിലുള്ള സോഷ്യല് മീഡിയ ആപ്പ് ഫേസ്ബുക്കിന്റെ പ്രവര്ത്തനം സ്തംഭിച്ചു. ഫേസ്ബുക്കിന് പുറമേ മെറ്റയുടെ ഇന്സ്റ്റഗ്രാമിനും, ത്രെഡും പണിമുടക്കി.
പ്രവര്ത്തിച്ചുകൊണ്ടിരിക്കുമ്പോള് പെട്ടെന്ന് ഫേസ്ബുക്ക് ഉപയോക്താവിനെ ലോഗ് ഔട്ട് ചെയ്യുകയാണ് ഉണ്ടായത്. തുടര്ന്ന് ആര്ക്കും ലോഗിന് ചെയ്യാന് സാധിക്കാത്ത അവസ്ഥയാണ്.
പ്രവര്ത്തനം നിലച്ചത് അറിയാതെ പലരും പാസ്വേര്ഡ് മാറ്റുക വരെ ചെയ്തു. മാര്ച്ച് 5 ചൊവ്വാഴ്ച വൈകീട്ട് 8.40 മുതല് ലോകത്തിന്റെ വിവിധ ഭാഗങ്ങളില് നിന്നും ഫേസ്ബുക്ക് ഡൗണ് റിപ്പോര്ട്ട് ചെയ്യപ്പെടുന്നുണ്ട്.
അതേ സമയം ചെങ്കടലിലെ ആഴക്കടല് കേബിളുകള് തകരാറിലായത് ആഗോള ടെലികമ്മ്യൂണിക്കേഷന് ശൃംഖലകളില് കാര്യമായ തടസ്സം സൃഷ്ടിച്ചതായി കഴിഞ്ഞ ദിവസം റിപ്പോര്ട്ടുകള് വന്നിരുന്നു.
ഇതുമായി ബന്ധപ്പെട്ട തടസമാണോ മെറ്റയില് ഇപ്പോള് ഉണ്ടായിരിക്കുന്നത് എന്ന് വ്യക്തമല്ല. അതേ സമയം ഫേസ്ബുക്ക് നിലച്ചതോടെ ഉപഭോക്താക്കള് എക്സിലേക്ക് എത്തിയിരിക്കുകയാണ്.
ഫേസ്ബുക്കിന് എന്ത് പറ്റിയെന്നാണ് തിരക്കുന്നത്. നൂറുകണക്കിന് പോസ്റ്റുകളാണ് ഇത് സംബന്ധിച്ച് വരുന്നത്. നിരവധി ട്രോളുകളും വരുന്നുണ്ട്.