ലോകത്തെ മുഴുവൻ പിടിച്ചുകുലുക്കിയ മഹാമാരി ആണ് കോവിഡ് 19. കൊറോണ എന്ന വൈറസ് ആണ് ഈ അസുഖം പരത്തുന്നത് എന്ന് എല്ലാവർക്കും അറിയാമല്ലോ. നിലവിൽ രോഗികളുടെ ഏറ്റവും ഉയർന്ന പ്രതിദിന കണക്ക് ഇന്ത്യയിലാണ് നടക്കുന്നത്. അതുകൊണ്ടുതന്നെ രോഗികളിൽ ഉണ്ടാകുന്ന ലക്ഷണങ്ങളും ശരീരത്തിലെ മാറ്റങ്ങളും എല്ലാം പഠനവിധേയമാക്കുന്നത് ഏറ്റവും കൂടുതൽ ഇന്ത്യയിൽ നിന്നു തന്നെയാണ്.
ഇതുവരെ മൂന്ന് ഔദ്യോഗിക ലക്ഷണങ്ങളായിരുന്നു കൊറോണ വൈറസ് തിരിച്ചറിയുന്നതിന് ഉണ്ടായിരുന്നത്. പനി, വരണ്ട ചുമ, ശ്വാസതടസ്സം എന്നിവയായിരുന്നു ഈ മൂന്ന് ലക്ഷണങ്ങൾ. എന്നാൽ ഒരു നാലാം ലക്ഷണം കൂടി ഔദ്യോഗിക പട്ടികയിലേക്ക് ചേർക്കപ്പെടുകയാണ്. ചർമത്തിന് മുകളിൽ കാണപ്പെടുന്ന ചുണങ്ങ് ആണ് നാലാമത്തെ ലക്ഷണം.
ശരീരത്തിന്റെ പല ഭാഗങ്ങളിൽ ആയും കൈവിരലുകൾക്കിടയിലും കാലിലും ആയി ഒരുപാട് രോഗികൾക്ക് ആണ് ഇത്തരത്തിൽ ചുണങ്ങ് കാണപ്പെട്ടിട്ടുള്ളത്. ഇതിനോടൊപ്പം തന്നെ രുചി നഷ്ടപ്പെടുക, മണം നഷ്ടപ്പെടുക എന്നിവയും കൊറോണയുടെ ലക്ഷണങ്ങൾ ആണ്.