യാത്രയ്ക്കിടെ നെഞ്ചുവേദന അനുഭവപ്പെട്ടതിനെത്തുടര്ന്ന് ബസ് ഒതുക്കി നിര്ത്തി യാത്രക്കാരെ സുരക്ഷിതരാക്കിയ കെഎസ്ആര്ടിസി ഡ്രൈവര് മരിച്ചു. പെരുമ്പാവൂര് ചെമ്പറക്കി തങ്കളത്ത് ടി.എം.പരീത് (49) ആണു മരിച്ചത്.
തിരുവനന്തപുരം ഡിപ്പോയിലെ ഡ്രൈവര് ആയിരുന്നു പരീത്. തിരുവനന്തപുരത്തു നിന്നും തൃശൂരിലേക്കു പോകുന്ന കെഎസ്ആര്ടിസിയുടെ സൂപ്പര് ഫാസ്റ്റ് ബസ് ആയിരുന്നു പരീത് ഓടിച്ചിരുന്നത്.
തിരുവനന്തപുരത്തു നിന്നും തൃശൂരിലേക്കു പോയി തിരികെ വരുന്ന വഴി കരുനാഗപ്പള്ളിക്കു സമീപം വെറ്റമുക്കില് എത്തിയപ്പോഴാണ് പരീതിനു നെഞ്ചുവേദന അനുഭവപ്പെട്ടത്.
പിന്നാലെ തന്നെ ബസ് സൈഡിലേക്ക് ഒതുക്കി യാത്രക്കാരെ സുരക്ഷിതരാക്കി. തുടര്ന്ന് കുഴഞ്ഞു വീഴുകയായിരുന്നു. പിന്നാലെ പരീതിനെ കണ്ടക്ടറും യാത്രക്കാരും ചേര്ന്നാണ് കരുനാഗപ്പള്ളി താലൂക്ക് ആശുപത്രിയിലെത്തിച്ചു.
അവിടെ നിന്ന് ആലപ്പുഴ മെഡിക്കല് കോളജ് ആശുപത്രിയിലേക്ക് മാറ്റുമ്പോള് യാത്രാമധ്യേ മരണം സംഭവിക്കുകയായിരുന്നു. മൃതദേഹം നാട്ടിലെത്തിച്ച് കബറടക്കം നടത്തി. നിഷയാണ് പരീതിന്റെ ഭാര്യ. മക്കള്: മെഹ്റൂഫ്, മെഹ്ഫിര്.