ഗോവയില് ബിജെപിയില് നിന്ന് കോണ്ഗ്രസിലേക്ക് നേതാക്കളുടെ ഒഴുക്ക്. യുവമോര്ച്ച ദേശീയ എക്സിക്യൂട്ടിവ് അംഗം ഗജാനന് ടില്വേ ഞായറാഴ്ച കോണ്ഗ്രസ് അംഗത്വം സ്വീകരിച്ചു.
ഇന്നലെയാണ് ബിജെപി നേതാക്കള് കോണ്ഗ്രസ് പാളയത്തിലെത്തിയത്. പ്രതിപക്ഷ നേതാവ് ദിഗംബര് കാമത്ത്, ഗോവയുടെ ചുമതലയുള്ള ദിനേശ് ഗുണ്ടറാവു, യൂത്ത് കോണ്ഗ്രസ് സംസ്ഥാന അധ്യക്ഷന് അഡ്വ. വരദ് മര്ഗോല്ക്കര് തുടങ്ങിയ നേതാക്കള് ഗജാനന് ടില്വേയെ പാര്ട്ടിയിലേക്ക് സ്വാഗതം ചെയ്തു. ബിജെപിക്ക് മൂല്യങ്ങളില്ലെന്നും അധികാരം പിടിക്കാന് ഏതറ്റം വരെയും പോകുമെന്നും ഗജാനന് ടില്വേ പ്രതികരിച്ചു.
ഗോവാ ശാസ്ത്ര സാങ്കേതിക വകുപ്പ് മന്ത്രി മൈക്കല് ലോബോ കഴിഞ്ഞ ദിവസം പാര്ട്ടി വിട്ടത് ബിജെപിക്ക് കനത്ത തിരിച്ചടിയായിരുന്നു. മൈക്കല് ലോബോ കോണ്ഗ്രസില് ചേരുമെന്നാണ് വിവരം.