കേരളത്തിൽ മത്സരിക്കുന്ന എൻഡിഎ സ്ഥാനാർത്ഥികളെ പിന്തുണച്ചുകൊണ്ട് മല്ലിക സുകുമാരൻ ഇപ്പോൾ രംഗത്ത് വന്നിരിക്കുകയാണ്. നരേന്ദ്രമോദിയുടെ പ്രതിനിധികൾക്ക് വോട്ട് ചെയ്യണം എന്നാണ് താരം ഇപ്പോൾ അഭ്യർത്ഥിച്ചിരിക്കുന്നത്. വീഡിയോ സന്തോഷത്തിലൂടെയാണ് താരം ഈ അഭ്യർത്ഥന നടത്തിയിരിക്കുന്നത്. ഈ വീഡിയോ ബിജെപി കേരളം ഔദ്യോഗിക എക്സ് പ്ലാറ്റ്ഫോമിൽ പങ്കുവെച്ചിട്ടുണ്ട്. തുടർന്ന് വലിയ രീതിയിലുള്ള വിമർശനങ്ങൾ ആണ് മല്ലിക സുകുമാറിനെതിരെ ഇപ്പോൾ നടന്നുകൊണ്ടിരിക്കുന്നത്.
പ്രധാനമന്ത്രി നരേന്ദ്രമോദിയോട് വളരെയധികം ബഹുമാനമാണ് തനിക്ക് ഉള്ളത് എന്നും മോദിക്ക് പിന്തുണ നൽകുന്ന എല്ലാവരും കേരളത്തിൽ നിന്നും ജയിക്കണമെന്ന് ആണ് മല്ലിക സുകുമാരൻ പറയുന്നത്. കേരളത്തിൽ ഒരു മാറ്റം അനിവാര്യമാണ് എന്നും അപകടം പിടിച്ച സമയത്തിലൂടെ ആണ് കേരളം കടന്നുപോയിക്കൊണ്ടിരിക്കുന്നത് എന്നും തിരഞ്ഞെടുപ്പിലൂടെ അത് മാറുമെന്നാണ് താൻ പ്രതീക്ഷിക്കുന്നത് എന്നും താരും കൂട്ടിച്ചേർത്തു.
പ്രധാനമന്ത്രി നരേന്ദ്രമോദിയോട് വ്യക്തിപരമായി ഒരുപാട് ബഹുമാനം ഉണ്ട് എന്നും മോദിയുടെ നേതൃത്വത്തിൽ തിരഞ്ഞെടുപ്പിൽ മത്സരിക്കുന്ന സ്ഥാനാർത്ഥികളോടും തനിക്ക് അതേ ബഹുമാനമുണ്ട് എന്നും താരം കൂട്ടിച്ചേർത്തു. ഇരുപത്തിയാറാം തീയതി പോളിംഗ് ബൂത്തിൽ എത്തുന്ന സമയത്ത് പ്രധാനമന്ത്രിയുടെ പ്രതിനിധികൾക്ക് വേണ്ടി വോട്ട് രേഖപ്പെടുത്തണമെന്നും ഇവർ ജയിച്ചാൽ കേരളം മാറും എന്ന കാര്യത്തിൽ ഒരു സംശയവുമില്ല എന്നും മല്ലിക സുകുമാരൻ വ്യക്തമാക്കുന്നു.
വികസനത്തിന് വേണ്ടി നരേന്ദ്രമോദി നേതൃത്വം നൽകുന്ന എൻഡിഎ സർക്കാർ ആണ് ഉള്ളത് എന്നും അദ്ദേഹത്തിൻറെ കരങ്ങൾക്ക് കരുത്തുപകരാൻ ഓരോ സ്ഥാനാർത്ഥിയെയും വിജയിപ്പിക്കണം എന്നും മേജർ രവിയും ജനങ്ങളോട് അഭ്യർത്ഥിച്ചുകൊണ്ട് കഴിഞ്ഞ ദിവസം വീഡിയോ പുറത്തുവിട്ടിരുന്നു. അതേസമയം മോദിയുടെ പല നയങ്ങൾക്കും എതിരെ ശക്തമായി പ്രതികരിച്ചിട്ടുള്ള വ്യക്തിയാണ് പൃഥ്വിരാജ്, പ്രത്യേകിച്ചും ലക്ഷദ്വീപ് വിഷയത്തിൽ. അതുകൊണ്ടുതന്നെ പൃഥ്വിരാജിന്റെ അമ്മ മല്ലിക സുകുമാരൻ ഇത്തരത്തിൽ ഒരു പരാമർശം നടത്തിയതിന്റെ ഞെട്ടലിലാണ് മലയാളികൾ.
കേരളത്തിലെ എൻ ഡി എ സ്ഥാനാർഥികൾക്ക് പിന്തുണ അഭ്യർത്ഥിച്ച് ചലച്ചിത്ര താരം മല്ലിക സുകുമാരൻ pic.twitter.com/Iv2mnV6jnJ
— BJP KERALAM (@BJP4Keralam) April 24, 2024