ഇത്തവണ കൊല്ലം ലോക്സഭാ മണ്ഡലത്തിൽ എൻഡിഎ സ്ഥാനാർത്ഥിയായി മത്സരിക്കുന്നത് നടൻ കൃഷ്ണകുമാർ ആണ്. ഇന്ന് ഇദ്ദേഹം ഒരു വാർത്താസമ്മേളനം നടത്തിയിരുന്നു. ഇദ്ദേഹത്തിൻറെ ഭാര്യയും മക്കളും വാർത്താസമ്മേളനത്തിൽ പങ്കെടുത്തിരുന്നു. തെരഞ്ഞെടുപ്പിൽ അച്ഛനെ പിന്തുണയ്ക്കുമോ എന്ന് ചോദ്യം വന്നിരുന്നു. അപ്പോൾ ആന നൽകിയ മറുപടി ഇങ്ങനെയായിരുന്നു – ഏതെങ്കിലും രാഷ്ട്രീയ പാർട്ടിയെ പിന്തുണയ്ക്കാൻ അല്ല, മറിച്ച് എൻറെ അച്ഛനെ പിന്തുണയ്ക്കാനാണ് ഞാൻ പ്രചാരണത്തിന് ഇറങ്ങിയിരിക്കുന്നത്.
അച്ഛനെ പിന്തുണച്ചു എന്ന കാരണം കൊണ്ട് എന്തെങ്കിലും തരത്തിലുള്ള നെഗറ്റിവിറ്റി വരും എന്ന് ഞാൻ കരുതുന്നില്ല എന്നും താരം കൂട്ടിച്ചേർത്തു. എല്ലാവരും സ്വന്തം കുടുംബത്തിൽ ഉള്ളവരെ പിന്തുണയ്ക്കുമല്ലോ എന്നും താരം ചോദിച്ചു. എൻഡിഎ സ്ഥാനാർത്ഥിയായ അച്ഛനെ പിന്തുണച്ചത് മോശമായി ബാധിക്കുമോ എന്ന ചോദ്യത്തിന് ആയിരുന്നു താരം ഇങ്ങനെ മറുപടി നൽകിയത്.
എല്ലാവരും അവർ വിശ്വസിക്കുന്ന പാർട്ടിയുടെ കാര്യങ്ങളെ പറ്റിയാണ് സംസാരിക്കുക എന്നും അപ്പോൾ സ്വാഭാവികമായും പലർക്കും അതിൽ എതിരഭിപ്രായം ഉണ്ടാകും എന്നും അതിനെയൊന്നും വ്യക്തിപരമായി കാണേണ്ട കാര്യമില്ല എന്നും താരം കൂട്ടിച്ചേർത്തു. അച്ഛൻ വിശ്വസിക്കുന്ന കാര്യങ്ങളെപ്പറ്റി പറയുന്ന സമയത്ത് മറ്റു പാർട്ടിക്കാർക്ക് എതിരഭിപ്രായം ഉണ്ടാകും, അവർ എന്തെങ്കിലും ഒക്കെ പറഞ്ഞു എന്നു വരും, അതൊന്നും ഞങ്ങൾ വ്യക്തിപരമായി എടുക്കാറില്ല. ഞങ്ങൾ ആരും തന്നെ രാഷ്ട്രീയം പിന്തുടരുന്നവർ അല്ല, അച്ഛൻ ചെയ്യുന്ന ജോലികളിലും അദ്ദേഹത്തിൻറെ പ്ലാനുകളിലും ഞങ്ങൾക്ക് താല്പര്യമുണ്ട്. സമൂഹമാധ്യമങ്ങൾ നന്നായി ഉപയോഗിക്കുന്നവരും ചീത്തയായി ഉപയോഗിക്കുന്നവരും ഉണ്ട് എന്നും നന്നായി ഉപയോഗിക്കുന്നതിന്റെ തെളിവാണ് ഞങ്ങൾ എല്ലാവരും എന്നും താരം കൂട്ടിച്ചേർത്തു.
അതേസമയം അച്ഛൻറെ വിജയസാധ്യതയെക്കുറിച്ചും മകൾ ദിയ പറയുന്നത് ഇങ്ങനെ – അച്ഛൻ ഇത്തവണ ജയിക്കും എന്നാണ് എൻറെ സുഹൃത്തുക്കൾ പോലും പറയുന്നത്. കഴിഞ്ഞ തവണ ഇലക്ഷന് നിന്ന് സമയത്ത് ഉള്ളതിനേക്കാൾ കൂടുതൽ പോസിറ്റീവ് വീഡിയോകൾ ഇത്തവണ സമൂഹം മാധ്യമങ്ങളിൽ കണ്ടിരുന്നു. മറ്റു പാർട്ടികളിൽ ഉള്ള സുഹൃത്തുക്കളിൽ പലരും അച്ഛൻറെ വീഡിയോ അയച്ചു തരാറുണ്ട്. അച്ഛൻ ജയിക്കും എന്നാണ് അവരും പറയുന്നത്. കോളേജിൽ നടന്നപ്പോൾ ഉള്ള അച്ഛൻറെ പ്രതികരണം ആണ് പലരും എടുത്തുപറയുന്നത്. കൃഷ്ണകുമാർ എന്ന വ്യക്തി കാരണം ഇത്തവണ ബിജെപിക്ക് വോട്ട് ചെയ്യും എന്ന് പറയുന്നവർ ഉണ്ട് എന്നും ദിയ കൂട്ടിച്ചേർത്തു.