അനാവശ്യമായി സംസാരിക്കേണ്ടതില്ലെന്ന് ഷാരൂഖ് പഠിപ്പിക്കുകയാണ്; അനുരാഗ് കശ്യപ്

മികച്ച പ്രതികരണം ആണ് ഷാരൂഖ് ഖാന്‍ ചിത്രം പഠാന്‍ നേടുന്നത്. സിനിമയെ വിമര്‍ശിച്ചവര്‍ പോലും ഇപ്പോള്‍ മാറ്റി പറയുന്നയാണ് പഠാന്റെ വിജയം. ഈ അവസരത്തില്‍ ഷാരൂഖിനെയും പഠാന്‍ സിനിമയെയും പ്രശംസിച്ച് കൊണ്ട് രം?ഗത്തെത്തിയിരിക്കുകയാണ് അനുരാഗ് കശ്യപ്.

ഷാരൂഖ് ഖാന്‍ നട്ടെല്ലുള്ള മനുഷ്യന്‍ ആണെന്നും പഠാന്‍ സിനിമയ്‌ക്കെതിരെയും വ്യക്തിപരമായും നേരിടേണ്ടിവന്ന ആക്രമണങ്ങള്‍ക്ക് സ്‌ക്രീനിലൂടെ അദ്ദേഹം മറുപടി നല്‍കിയെന്നും അനു?രാ?ഗ് പറയുന്നു. മിഡ് ഡേയ്ക്ക് നല്‍കിയ അഭിമുഖത്തിലായിരുന്നു അനുരാഗ് കശ്യപിന്റെ പ്രതികരണം. ഒരിടവേളയ്ക്ക് ശേഷം ജനങ്ങള്‍ തിയറ്ററിലേക്ക് എത്തിയെന്നും അത് ഉന്മേഷം നല്‍കുന്ന കാര്യമാണെന്നും അദ്ദേഹം പറഞ്ഞു.

‘പ്രേക്ഷകര്‍ തിയറ്ററുകളിലേക്ക് മടങ്ങിവരുന്നു. അതിനേക്കാള്‍ ഉപരി പ്രേക്ഷകര്‍ തിയറ്ററുകളില്‍ നൃത്തം ചെയ്യുന്നു. ആ ഉന്മേഷം മനോഹരമാണ്. ഈ ആനന്ദം കുറച്ചുകാലമായി ഇല്ലായിരുന്നു. ഇത് സാമൂഹികവും രാഷ്ട്രീയവുമായ ഉന്മേഷം കൂടിയാണ്. അതൊരു പ്രസ്താവന നടത്തുന്നത് പോലെയാണ്. വിവാദങ്ങള്‍ സംഭവിച്ചിട്ടും ഷാരൂഖ് നിശബ്ദനായിരുന്നു.

എന്നാല്‍ സ്ഥിരതയോടെ, സത്യസന്ധതയോടെ അദ്ദേഹം സ്‌ക്രീനില്‍ സംസാരിച്ചു. നട്ടെല്ലുള്ള മനുഷ്യനാണ് ഷാരൂഖ്. അദ്ദേഹത്തെ പോലെ സ്വന്തം ജോലിയിലൂടെ സംസാരിക്കൂ, അനാവശ്യമായി സംസാരിക്കേണ്ടതില്ലെന്ന് ഷാരൂഖ് പഠിപ്പിക്കുകയാണ്. അദ്ദേഹം ആരാണെന്നും എന്താണെന്നും ഇപ്പോള്‍ നമുക്ക് കാണാന്‍ കഴിയും’, എന്നാണ് അനുരാഗ് കശ്യപ് പറഞ്ഞത്.