അകത്തും പുറത്തും സുന്ദരമായ വ്യക്തിത്വമുള്ള ആളാണ് അദ്ദേഹം; നടി സിമ്രാന്‍ ആരെ കുറിച്ചാണ് പറയുന്നത് എന്ന് മനസിലായോ

അഭിനയത്തിന്റെ കാര്യത്തില്‍ ഏറെ മുന്നില്‍ നില്‍ക്കുന്ന ഒരു നടിയാണ് സിമ്രാന്‍. ഈ താരത്തിന് ആരാധകര്‍ ഏറെയാണ്. മലയാളികളുടെ പ്രിയപ്പെട്ട നടി കൂടിയാണ് സിമ്രാന്‍. മലയാളത്തിലെ മെഗാസ്റ്റാര്‍ മമ്മൂട്ടിക്കൊപ്പം താരം അഭിനയിക്കുകയും ചെയ്തു. ഇന്ദ്രപ്രസ്ഥം എന്ന ചിത്രത്തിലാണ് ഇരുവരും ഒന്നിച്ച് അഭിനയിച്ചത്. ഇപ്പോള്‍ മമ്മൂട്ടിക്കൊപ്പം അഭിനയിച്ചതിനെ കുറിച്ചാണ് നടി പറയുന്നത്. അദ്ദേഹത്തോടൊപ്പം വര്‍ക്ക് ചെയ്യാന്‍ പറ്റിയതില്‍ ഒരുപാട് സന്തോഷമുണ്ടെന്ന് സിമ്രാന്‍ പറയുന്നു.

‘മമ്മൂട്ടി സാറിനൊപ്പം ഒരുപാട് നല്ല ഓര്‍മകളുണ്ട്. അദ്ദേഹത്തോടൊപ്പം വര്‍ക്ക് ചെയ്യാന്‍ പറ്റിയതില്‍ ഒരുപാട് സന്തോഷമുണ്ട്. അകത്തും പുറത്തും സുന്ദരമായ വ്യക്തിത്വമുള്ള ആളാണ് അദ്ദേഹം. സൗത്ത് ഇന്ത്യയില്‍ എന്റെ ആദ്യത്തെ അഭിനയം അദ്ദേഹത്തിനൊപ്പമായിരുന്നു. ആവേശവും കൗതുകവും നിറഞ്ഞതായിരുന്നു ആ സമയം. ആ ചിത്രത്തിലഭിനയിച്ചിട്ട് ഇപ്പോള്‍ രണ്ട് പതിറ്റാണ്ടുകളായി.

ഇന്ദ്രപ്രസ്ഥത്തെ കുറിച്ച് ആലോചിക്കുമ്പോള്‍ എനിക്ക് എന്നോട് തന്നെ ബഹുമാനം തോന്നാറുണ്ട്,’എന്ന് സിമ്രാന്‍ പറഞ്ഞു. റോകട്രി റെഡ് കാര്‍പറ്റില്‍ ബിഹൈന്‍ഡ് വുഡ്സിനോടായിരുന്നു സിമ്രാന്റെ പ്രതികരണം.

കെകെ ഹരിദാസ് സംവിധാനം ചെയ്ത ചിത്രമാണ് ഇന്ദ്രപ്രസ്ഥം . മമ്മൂട്ടി, പ്രകാശ് രാജ്, വിക്രം, സിമ്രാന്‍, പ്രിയാരാമന്‍ എന്നിവര്‍ പ്രധാനവേഷങ്ങളില്‍ എത്തിയ ചിത്രം 1996-ല്‍ പ്രദര്‍ശനത്തിനെത്തിയത്. ഡോള്‍ബി ശബ്ദ വിന്യാസത്തില്‍ പുറത്ത് വന്ന മലയാളത്തിലെ ആദ്യചിത്രമായ ഇന്ദ്രപ്രസ്ഥം ചലച്ചിത്രത്തിലെ പ്രതിപാദ്യ വിഷയമായ ഇന്റര്‍നെറ്റിനേയും മോര്‍ഫിങ്ങ് സങ്കേതത്തെയും കുറിച്ച് മലയാളി പ്രേക്ഷകരില്‍ സാമാന്യ അവബോധം പകര്‍ന്ന് നല്‍കി. അക്ഷയ ആര്‍ട്‌സ് ഇന്റര്‍നാഷണലിന്റെ ബാനറില്‍ പ്രേംകുമാര്‍ മാരാത്ത് നിര്‍മ്മിച്ച ഈ ചിത്രം അക്ഷയ ആര്‍ട്‌സ് റിലീസ് ആണ് വിതരണം ചെയ്തത്.