ഷൂട്ടിംഗിനിടെ സിനിമാതാരം സുനില് സൂര്യക്ക് പരുക്കേറ്റു. പുതിയ ചിത്രം മുകള്പ്പരപ്പിന്റെ സംഘട്ടന രംഗം ഷൂട്ട് ചെയ്യുന്നതിനിടെയാണ് അപകടം സംഭവിച്ചത്. ഫേസ്ബുക്കിലൂടെ സുനില് തന്നെയാണ് അപകടം സംഭവിച്ച കാര്യം അറിയിച്ചത്.
ഫേസ്ബുക്ക് പോസ്റ്റിന്റെ പൂര്ണരൂപം
പ്രിയപ്പെട്ടവരേ, കഴിഞ്ഞ വിഷു ദിനത്തില് ആകാശ് വിഷന്റെ ബാനറില് ജയപ്രകാശന് കോയാടന് കോരോത്ത് നിര്മ്മിച്ച് സിബി പടിയറ രചനയും സംവിധാനവും നിര്വഹിച്ച് ഷിജി ജയദേവന് ഛായഗ്രഹണം നിര്വഹിക്കുകയും ചെയ്യുന്ന ഞാന് നായക വേഷത്തില് അഭിനയിക്കുന്ന ‘ മുകള്പ്പരപ്പ് ‘ എന്ന ചിത്രത്തിന്റെ സംഘട്ടന രംഗം ശ്രീകണ്ഠാപുരം കാരക്കുണ്ട് വെച്ചു ചിത്രീകരിക്കവേ എനിക്ക് അപകടം സംഭവിക്കുകയുണ്ടായി. നല്ലവരായ എന്റെ ടീം അംഗങ്ങള് എന്നെ ഉടനെ ആശുപത്രിയില് എത്തിക്കുകയും പ്രാഥമിക ചികിത്സ ലഭ്യമാക്കിത്തരികയും ചെയ്തു.
ശേഷം അല്പം ഗുരുതരാവസ്ഥയില് ആയിരുന്ന എന്നെ പിന്നീട് മംഗലാപുരം KMC jyothi circle ഹോസ്പിറ്റലില് MICU വിഭാഗത്തില് പ്രവേശിപ്പിക്കുകയും ചെയ്തു. ഇവിടുത്തെ പ്രഗത്ഭ ന്യുറോസര്ജറി വിദഗ്ധരായ ഡോക്ടര് ശങ്കര്, ഡോക്ടര് മുരളീധര് പൈ എന്നിവരുടെ നേതൃത്വത്തില് ഉള്ള ചികിത്സയില് എനിക്ക് അതിവേഗം ആരോഗ്യ നില മെച്ചപ്പെടുകയുണ്ടായി. ശരിക്കും ഇതെനിക്ക് ഒരു രണ്ടാം ജന്മം കൂടിയാണ് ആണ്. MICU ല് ആയ സമയം എന്നെ വിളിക്കുകയും അന്വേഷിക്കുകയും ചെയ്ത നിങ്ങളോട് ആരോടും എനിക്ക് കൃത്യമായി സംവേദിക്കുവാന് സാധിച്ചിരുന്നില്ല.
നിങ്ങളുടെ പ്രാര്ത്ഥനകള്ക്ക്, സ്നേഹാന്വേഷണങ്ങള്ക്ക്, കരുതലിന് അകമഴിഞ്ഞ നന്ദി. നാളെ എനിക്ക് ആശുപത്രിവാസം അവസാനിപ്പിക്കാന് സാധിക്കും എന്നാണ് അറിയാന് കഴിഞ്ഞത്. അത് കഴിഞ്ഞു കുറച്ച് ദിവസത്തെ വിശ്രമത്തിനു ശേഷം ബാക്കി നില്ക്കുന്ന മുകള്പ്പരപ്പിന്റെ ക്ളയിമാക്സ് രംഗങ്ങളുടെ ചിത്രകരണ ശേഷം വൈകാതെ മുകള്പ്പരപ്പ് നിങ്ങള്ക്ക് മുന്നിലേക്ക് എത്തും എന്ന് പ്രതീക്ഷയില് ആണ് ഞങ്ങള് എല്ലാവരും. തീര്ത്തും സാന്ദര്ഭികമായ തമാശയില് കൂടി കടന്നു പോകുകയും തുടര്ന്ന് ഒരു നാടിനെ തന്നെ കാര്ന്നു തിന്നുന്ന വിഷയം പറയുന്ന സിബി പടിയറയുടെ മുകള്പ്പരപ്പില് പ്രമുഖ താരനിരയും, നിരവധി പുതുമുഖങ്ങളും അണിനിരക്കുന്നു. ചിത്രം നിങ്ങള് എല്ലാവരും കാണുകയും, വിജയിപ്പിക്കുകയും ചെയ്യും എന്ന് വിശ്വസിച്ചുകൊണ്ട് തല്ക്കാലം നിര്ത്തട്ടെ..