നടന് ഷൈന് ടോം ചാക്കോയെ വിമാനത്തില് നിന്ന് ഇറക്കിവിട്ടു. വിമാനത്തിന്റെ കോക്ക്പിറ്റില് കയറാന് ശ്രമിച്ചതിന് പിന്നാലെയാണ് നടപടി. ദുബൈ വിമാനത്താവളത്തില് വെച്ചാണ് സംഭവം. താന് അഭിനയിച്ച ഭാരത സര്ക്കസ് എന്ന പുതിയ ചിത്രത്തിന്റെ പരസ്യ പ്രചരണത്തിന്റെ ഭാഗമായി ദുബൈയില് എത്തിയതായിരുന്നു ഷൈന്. തിരികെ നാട്ടിലേക്ക് പോകാനായി വിമാനത്തില് കയറിയപ്പോഴാണ് സംഭവം.
എയര് ഇന്ത്യയുടെ ഡ്രീംലൈനര് വിമാനത്തിലാണ് ഷൈന് ഉള്പ്പെടെയുള്ള സിനിമാ പ്രവര്ത്തകര്ക്ക് യാത്ര നിശ്ചയിച്ചിരുന്നത്. നിലവില് ദുബൈ വിമാനത്താവളത്തിലെ എമിഗ്രേഷന് വിഭാഗത്തിലാണ് ഷൈന് ടോം ചാക്കോ.
ദുബൈയില് നിന്ന് കൊച്ചിയിലേക്കുള്ള എഐ 934 വിമാനമാണ് ഇത്. സംഭവത്തെ തുടര്ന്ന് ഷൈനിനെ കൂടാതെ മറ്റ് അണിയറപ്രവര്ത്തകര് ഇതേ വിമാനത്തില് നാട്ടിലേക്ക് തിരിച്ചു.
അതേസമയം ഭാരത സര്ക്കസ് സംവിധാനം ചെയ്തിരിക്കുന്നത് സോഹന് സീനുലാല് ആണ്. ഷൈന് ടോം ചാക്കോയും ബിനു പപ്പുവും ആണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. ത്രില്ലര് വിഭാഗത്തില് പെടുന്ന ചിത്രം ദളിത് രാഷ്ട്രീയം ചര്ച്ച ചെയ്യുന്ന ഒന്നാണ്. തിരക്കഥ രചിച്ചിരിക്കുന്നത് മുഹാദ് വെമ്പായം ആണ്.