മമ്മൂട്ടിയുടെ എഴുപത്തിരണ്ടാം പിറന്നാളാണ് ഇന്ന്. നാല് പതിറ്റാണ്ടിലേറെയായി ഇന്ത്യന് സിനിമയില് നിറഞ്ഞു നില്ക്കുകയാണ് അദ്ദേഹം.1971 ല് കെ എസ് സേതുമാധവന് സംവിധാനം ചെയ്ത അനുഭവങ്ങള് പാളിച്ചകള് എന്ന സിനിമയില് ഒരു ജൂനിയര് ആര്ട്ടിസ്റ്റായി തുടങ്ങിയതാണ് മമ്മൂട്ടി. അന്ന് കോളേജില് പഠിക്കുകയായിരുന്നു. അഭിനയത്തോടുള്ള അടങ്ങാത്ത ആര്ത്തി കാരണം കിട്ടുന്ന സിനിമകള് എല്ലാം ചെയ്തു. ചിലത് പരാജയപ്പെട്ടുവെങ്കിലും, മമ്മൂട്ടി എന്ന അഭിനേതാവിന്റെ കഴിവ് കണ്ടില്ലെന്ന് വയ്ക്കാന് പറ്റില്ലായിരുന്നു. പിന്നീടിങ്ങോട്ടുള്ള മമ്മൂട്ടിയുടെ വളര്ച്ചയ്ക്ക് കേരളക്കര സാക്ഷിയാണ്.സാമ്പത്തികമായ നേട്ടങ്ങളും മമ്മൂട്ടി ഉണ്ടാക്കിയിട്ടുണ്ട്. ഘട്ടംഘട്ടമായിട്ടായിരുന്നു മമ്മൂട്ടിയുടെ വളര്ച്ച. ഒറ്റയടിക്ക് കോടികള് സമ്പാദിക്കുന്ന നടനാകുകയായിരുന്നില്ല. അത് അദ്ദേഹത്തിന്റെ ഗ്രാഫ് നോക്കുമ്പോള് തന്നെ മനസ്സിലാവും.
2020 ല് 265 കോടിയായിരുന്നു മമ്മൂട്ടിയുടെ ആസ്തി. 21 ല് അത് 280 ആയി. 2021 ലെ caknowledge.com കണക്കുകള് പ്രകാരം 310 കോടിയുടെ ആസ്തിയുണ്ടായിരുന്നു മമ്മൂട്ടിയ്ക്ക്. ഈ വര്ഷത്തെ ഏറ്റവും പുതിയ കണക്കുകള് വരുമ്പോള് 340 കോടി ആസ്തിയാണ് മമ്മൂട്ടിയ്ക്കുള്ളത്. ഇപ്പോള് ഒരു സിനിമയില് അഭിനയിക്കാന് മമ്മൂട്ടി പത്ത് കോടി രൂപയാണ് വാങ്ങുന്നത് എന്നാണ് കണക്കുകള്. മാസ വരുമാനം മൂന്ന് കോടിയാണത്രെ. 12 കോടി ഇന്കം ടാക്സ് അടക്കുന്നുണ്ട്.മറ്റൊന്ന് പുതുതായി ഇറങ്ങുന്ന ഏത് വാഹനത്തെ കുറിച്ചു ചോദിച്ചാലും മമ്മൂട്ടിയൊരു വിക്കി പീഡിയയാണെന്നാണ് അടുപ്പമുള്ളവര് പറയുന്നത്. അങ്ങനെയുള്ള മമ്മൂട്ടിയ്ക്ക് ആറ് കാറുകളാണ് ഉള്ളത്. ബ്രാന്റ് ന്യൂ ഫെരാരി 812, മെര്കേഡ്സ് ബെന്സ് ജി ക്ലാസ്, ബിഎംഡബ്ല്യു എക്സ് 6, റെയ്ഞ്ച് ഓവര് സ്പോര്ട് തുടങ്ങിയ കാറുകളുടെ എല്ലാം ഉടമയാണ്.
അനുഭവങ്ങള് പാളിച്ചകള് എന്ന ചിത്രത്തിലാണ് മുഖം കാണിച്ചത് എങ്കിലും, ആദ്യമായി ഒരു ഡയലോഗ് കിട്ടിയത് മേള എന്ന കെജി ജോര്ജ്ജ് ചിത്രത്തിലാണ്. അതിലും ജൂനിയര് ആര്ട്ടിസ്റ്റ് ആയിട്ടാണ് മമ്മൂട്ടി വന്നത്.അഹിസം എന്ന ചിത്രത്തിലൂടെയാണ് മമ്മൂട്ടിയെ തേടി ആദ്യത്തെ സംസ്ഥാന പുരസ്കാരം വരുന്നത്. മികച്ച സഹനടനുള്ള പുരസ്കാരം. ശേഷം ഏഴ് സംസ്ഥാന പുരസ്കാരങ്ങളും മൂന്ന് ദേശീയ പുരസ്കാരങ്ങളും മമ്മൂട്ടി സ്വന്തം പേരിലാക്കി