വര്ഗീയതക്കെതിരായ നിലപാടാണെങ്കില് ഒരുവിഭാഗത്തെ മാത്രം നിരോധിച്ചതുകൊണ്ട് കാര്യമില്ലെന്ന് സിപിഐഎം സംസ്ഥാന സെക്രട്ടറി എം.വി ഗോവിന്ദന്. നിരോധനം സംബന്ധിച്ച് അഖിലേന്ത്യാനേതൃത്വം നിലപാട് പറയുമെന്നും എം.വി ഗോവിന്ദന് പറഞ്ഞു. രാജ്യത്ത് പോപ്പുലര് ഫ്രണ്ടിന് നിരോധനമേര്പ്പെടുത്തിയതിന് പിന്നാലെയായിരുന്നു എം.വി ഗോവിന്ദനെ പ്രതികരണം.
അഞ്ചു വര്ഷത്തെക്കാണ് പോപുലര് ഫ്രണ്ടിന് നിരോധനം ഏര്പ്പെടുത്തിയിരിക്കുന്നത്. പി.എഫ്.ഐക്കും അനുബന്ധ സംഘടനകള്ക്കും നിരോധനം ഏര്പ്പെടുത്തിയിട്ടുണ്ട്. സംഘടന രാജ്യസുരക്ഷയ്ക്കും ക്രമസമാധാനത്തിനും ഭീഷണിയാണെന്ന് കേന്ദ്ര ആഭ്യന്തരമന്ത്രാലയം ചൂണ്ടിക്കാട്ടി. യുഎപിഎ വകുപ്പ് 3 പ്രകാരമാണ് നിരോധനം. സംഘടനയില് പ്രവര്ത്തിക്കുന്നത് 2 വര്ഷം വരെ തടവ് ശിക്ഷ ലഭിക്കാവുന്ന കുറ്റമാണ്.
കാമ്പസ് ഫ്രണ്ട്, റിഹാബ് ഇന്ത്യാ ഫൗണ്ടേഷന്, ഓള് ഇന്ത്യാ ഇമാംമ്സ് കൗണ്സില്, നാഷണല് കോണ്ഫെഡറേഷന് ഓഫ് ഹ്യൂമന് റൈറ്റ്സ് ഓര്ഗനൈസെഷന്, നാഷണല് വുമണ്സ് ഫ്രണ്ട്, ജൂനിയര് ഫ്രണ്ട് എന്നീ അനുബന്ധ സംഘടനകളെയും നിരോധിച്ചിട്ടുണ്ട്. യുപി, കര്ണാടക, ഗുജറാത്ത് സംസ്ഥാനങ്ങളുടെ ശുപാര്ശ കൂടി കണക്കിലെടുത്താണ് നിരോധനം.