മലയാളസിനിമയുടെ തന്നെ താര രാജാവിന്റെ ഒരേ ഒരു മകളാണ് വിസ്മയ മോഹൻലാൽ. മോഹൻലാലിന് പിന്നാലെ മകൻ പ്രണവ് മോഹൻലാലും അഭിനയ രംഗത്തേക്ക് എത്തിയപ്പോൾ തന്നെ ആരാധകർ താരപുത്രിയിലേക്കാണ് കണ്ണോടിച്ചത്. എന്നാണ് ഇനി താരപുത്രി അഭിനയ രംഗത്തെത്തുക എന്ന സംശയം ആയിരുന്നു ആരാധകർക്ക്. പലരും ഇതിനെപറ്റി മോഹൻലാലിനോടും പ്രണവ് മോഹൻലാലിനോടും തിരക്കിയിട്ടുണ്ട്. എന്നാൽ അന്നൊന്നും ഇവർ വ്യക്തമായ മറുപടികൾ ഒന്നും നല്കിയിട്ടില്ലായിരുന്നു.
എന്നാൽ സിനിമയല്ല തന്റെ പാഷൻ എന്ന് താരപുത്രി തന്നെ തെളിയിച്ചിരിക്കുകയാണ്. താനെഴുതിയ കവിതകളും വരച്ച ചിത്രങ്ങളുമൊക്കെ ചേര്ത്ത് ഒരു ബുക്ക് പബ്ലിഷ് ചെയ്യാനൊരുങ്ങുകയാണ് വിസ്മയ മോഹന്ലാല് എന്ന് റിപ്പോര്ട്ട്. ഗ്രൈന്സ് ഓഫ് സ്റ്റാര് ഡസ്റ്റ് എന്നാണ് വിസ്മയയുടെ ബുക്കിന്റെ പേര്. ബുക്കിന്റെ കവര് പേജും വിസ്മയ തന്റെ ഇന്സ്റ്റാഗ്രാം പോസ്റ്റിനൊപ്പം ഷെയര് ചെയ്തിട്ടുണ്ട്.സിനിമയുടെ ലോകത്തിലേക്കല്ല, പകരം എഴുത്തിന്റെയും വരയുടെയും ലോകത്തിലേക്ക് പോകാനാണ് തനിക്കിഷ്ടമെന്നു തെളിയിച്ചിരിക്കുകയാണ് താരപുത്രി.