വിമര്‍ശകരുടെ വായടപ്പിച്ച് വിഘ്‌നേഷ് ശിവന്‍; കൈയ്യടികളുമായി സോഷ്യല്‍ മീഡിയ,താരം പറഞ്ഞത് കേട്ടോ

കഴിഞ്ഞ ദിവസമായിരുന്നു നയന്‍താരയും വിഘ്‌നേഷ് ശിവനും മാതാപിതാക്കളായത്. സോഷ്യല്‍ മീഡിയയിലൂടെ ഇവര്‍ തന്നെയായിരുന്നു തങ്ങള്‍ ഇരട്ട കുട്ടികളുടെ അച്ഛനും അമ്മയുമായ കാര്യം ആരാധകരെ അറിയിച്ചത്.

ഈ സന്തോഷ വാര്‍ത്ത ഇരുവരുടെയും ആരാധകരും ഇവരെ ഇഷ്ടപ്പെടുന്നവരും ആഘോഷമാക്കിയിരുന്നു. നിരവധി പേര്‍ ഇരുവര്‍ക്കും ആശംസകള്‍ നേര്‍ന്ന് എത്തിയിരുന്നു. എന്നാല്‍ ചില ഫേസ്ബുക്ക് അമ്മാവന്മാരും അമ്മായിമാരും ഇവരെ വിമര്‍ശിച്ച് എത്തിയിരുന്നു.

ഇതിനിടയില്‍ വിഘ്‌നേഷ് പങ്കുവച്ച പുതിയ സോഷ്യല്‍ മീഡിയ പോസ്റ്റാണ് ശ്രദ്ധ നേടുന്നത്.’നിങ്ങള്‍ക്ക് ലോകത്തെ മാറ്റണമെന്ന് ആഗ്രഹമുണ്ടെങ്കില്‍ , നിങ്ങള്‍ നിങ്ങളുടെ വീട്ടിലേക്ക് പോയി നിങ്ങളുടെ കുടുംബത്തെ സ്‌നേഹിക്കു’ -എന്നാണ് വിഘ്‌നേഷ് കുറിച്ചത്.

വിഘ്‌നേഷിന്റെ ഈ മറുപടി സോഷ്യല്‍മീഡിയ അമ്മാവന്മാര്‍ക്കും അമ്മായിമാര്‍ക്കുമുള്ള മറുപടിയാണ് എന്നാണ് വിഘ്‌നേഷ് ആരാധകര്‍ പറയുന്നത്. തങ്ങളെ വിമര്‍ശിച്ചിരിക്കാതെ നിങ്ങള്‍ നിങ്ങളുടെ കുടുംബത്തിന്റെ കാര്യം നോക്ക് എന്ന് പറയാതെ പറഞ്ഞതാണ് എന്നാണ് താരത്തിന്റെ ആരാധകര്‍ പറയുന്നത്.

അതേസമയം വാടക ഗര്‍ഭധാരണത്തിന്റെ ചട്ടങ്ങള്‍ താരങ്ങള്‍ ലംഘിച്ചോ എന്ന് തമിഴ്‌നാട് ആരോഗ്യവകുപ്പ് പരിശോധിക്കുന്നുണ്ട്. സംഭവത്തില്‍ അന്വേഷണം പ്രഖ്യാപിച്ചിരിക്കുകയാണ്.

നാല് മാസം മുമ്പ് വിവാഹിതരായ ദമ്പതിമാര്‍ക്ക് വാടക ഗര്‍ഭധാരണം നടത്താമോ എന്നത് അന്വേഷിക്കും. ഇതിന്റെ നിയമവശങ്ങള്‍ പരിശോധിച്ച് റിപ്പോര്‍ട്ട് നല്‍കാന്‍ മെഡിക്കല്‍ സര്‍വീസസ് ഡയറക്ടറെ ചുമതലപ്പെടുത്തിയിട്ടുണ്ട്.

പ്രായപൂര്‍ത്തിയായവര്‍ക്ക് വാടക ഗര്‍ഭധാരണത്തിനുള്ള അവകാശം നിയമം അനുശാസിക്കുന്നുണ്ട്. എന്നാല്‍ ഇക്കാര്യത്തില്‍ നിയമവിരുദ്ധമായ എന്തെങ്കിലും നടന്നോ എന്നാണ് പരിശോധിക്കുന്നത്.