ബിഗ്ബോസിൽ വച്ചു പറഞ്ഞ തൻ്റെ ആഗ്രഹം നിറവേറ്റി ഗബ്രി, അതും പുറത്തായതിന്റെ തൊട്ടടുത്ത ദിവസം തന്നെ

ബിഗ് ബോസ് ആറാമത്തെ സീസൺ ഇപ്പോൾ വളരെ വിജയകരമായി മുന്നോട്ടു പോയിക്കൊണ്ടിരിക്കുകയാണ്. ഈ സീസണിലെ ആക്ടീവ് ആയിട്ടുള്ള മത്സരാർത്ഥികളിൽ ഒരാൾ ആയിരുന്നു ഗബ്രി. എന്നാൽ ഇദ്ദേഹം കഴിഞ്ഞ ആഴ്ച പുറത്തു പോവുകയായിരുന്നു. അനാവശ്യമായി ലൗ ട്രാക്ക് പിടിക്കാൻ നോക്കിയതാണ് ഇദ്ദേഹത്തിന് വിനയായത്. പിന്നീട് കുറെ കാലം ഇദ്ദേഹം പവർ റൂമിലും ആയിരുന്നു. ഒരുപാട് കാലത്തിനു ശേഷമാണ് അവിടെ നിന്നും ഇറങ്ങിയത്. ഇറങ്ങിയ ആഴ്ച തന്നെ പുറത്തുപോയി എന്നതും വളരെ കൗതുകകരമായ കാര്യമാണ്.

ഇപ്പോൾ ഇദ്ദേഹം സന്തോഷകരമായ ഒരു കാര്യം അറിയിച്ചിരിക്കുകയാണ്. ഒരു ജിം ആരംഭിച്ചിരിക്കുകയാണ് ഇദ്ദേഹം. ജിം തുടങ്ങുന്ന കാര്യത്തെക്കുറിച്ച് ഇദ്ദേഹം ബിഗ്ബോസിൽ വച്ചുതന്നെ പറഞ്ഞിരുന്നു. ട്രെയിനർ ആയിട്ടുള്ള ജിൻഡോയോട് സംസാരിക്കുന്നതിനിടയിൽ ആയിരുന്നു ഗബ്രി ഈ കാര്യങ്ങൾ പറഞ്ഞത്. കഴിഞ്ഞ ദിവസമായിരുന്നു ഇതിൻറെ ഉദ്ഘാടനം നടന്നത്. അങ്കമാലിയിലെ എംഎൽഎ റോഡിലാണ് ഈ ജിം ഉള്ളത്. എംഎൽഎ റോജി എം ജോൺ ആണ് ഉദ്ഘാടനം നിർവഹിച്ചത്.

“ഇത് ഒരു ചെറിയ സംരംഭമാണ്. പപ്പയ്ക്ക് വയ്യാതിരുന്ന സമയത്ത് അദ്ദേഹം വർക്ക് ഔട്ട് ചെയ്യുമായിരുന്നു. ആ സമയം എനിക്ക് തോന്നിയ ഒരു കാര്യമാണ് സ്വന്തമായി ഒരു ജിമ്മ് ആരംഭിക്കണം എന്നത്. ചുമ്മാ മെമ്പർഷിപ്പ് കൊടുത്തിട്ട് പോകാതിരിക്കുന്നതിന് പകരം ബാക്കിയുള്ളവരെയും അവിടെ വന്ന് വർക്കൗട്ട് ചെയ്യിക്കുന്നത് ആണെന്ന് തോന്നി. ഇതുകൂടാതെ നമുക്കും ഇടയ്ക്കിടയ്ക്ക് വന്ന് വർക്കൗട്ട് ചെയ്യാമല്ലോ. ഞാൻ പുറത്തിറങ്ങിയ ദിവസം തന്നെ ഉദ്ഘാടനം സംഭവിച്ചത് വളരെ ആകസ്മിതമായിട്ടാണ്. ഈ ഉദ്ഘാടനം അവർ നേരത്തെ തന്നെ പ്ലാൻ ചെയ്തു വച്ചിരുന്നതാണ്. ജിന്റോ ചേട്ടനെ ഒരു ദിവസം തീർച്ചയായും കൊണ്ടുവരണം ഇവിടെ” – ഗബ്രി പറയുന്നു.

അതേസമയം 9 പേർ ഇടം പിടിച്ചിരുന്ന നോമിനേഷൻ ലിസ്റ്റ് ആയിരുന്നു ഇത്. ഒട്ടും ആക്റ്റീവ് അല്ലാതിരുന്ന ഒരുപാട് ആളുകൾ ഈസ്റ്റിൽ ഉണ്ടായിരുന്നു. എങ്കിലും ഗബ്രി എന്ന മത്സരാർത്ഥിയോട് പ്രേക്ഷകർക്ക് എത്രത്തോളം വെറുപ്പ് ഉണ്ടായിരുന്നു എന്നതിന്റെ നേർചിത്രമായി മാറി കഴിഞ്ഞ ആഴ്ചയിലെ നോമിനേഷൻ എന്നാണ് പ്രേക്ഷകർ എല്ലാവരും ഈ വിഷയത്തിൽ പറയുന്നത്.