അച്ഛൻ തന്ന 100 രൂപയുമായി എട്ടാം ക്ലാസിൽ ഒളിച്ചോടി, കാരണം വെളിപ്പെടുത്തി സാന്ത്വനം താരം കൈലാസ് നാഥ്

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് കൈലാസ് നാഥ്. സാന്ത്വനം എന്ന പരമ്പരയിലൂടെ ആണ് ഇദ്ദേഹം ഇപ്പോൾ കൂടുതൽ ജനപ്രിയനായി മാറിയിരിക്കുന്നത്. മലയാളം സീരിയലുകൾക്ക് പുറമെ തമിഴിലും കണ്ണടയിലും അറബിയിലും ഇദ്ദേഹം 160ഓളം വേഷങ്ങൾ കൈകാര്യം ചെയ്തിട്ടുണ്ട്. ഇദ്ദേഹം അടുത്തിടെ അസുഖബാധിതനായി ഗുരുതരാവസ്ഥയിൽ ആയിരുന്നു. എങ്കിലും ഇപ്പോൾ ഗംഭീര തിരിച്ചുവരവ് നടത്തിയിരിക്കുകയാണ് താരം. ഇപ്പോൾ ഒരു ചാനലിന് നൽകിയ അഭിമുഖത്തിൽ ഇദ്ദേഹം പറയുന്ന വാക്കുകൾ ആണ് ശ്രദ്ധിക്കപ്പെടുന്നത്.

എട്ടാം ക്ലാസിൽ പഠിക്കുന്ന സമയത്ത് ഇദ്ദേഹം വീട്ടിൽ നിന്നും ഒളിച്ചോടി. നായകനാകുവാൻ വേണ്ടിയായിരുന്നു ഇദ്ദേഹം വീട്ടിൽ നിന്നും ഒളിച്ചോടിയത്. മൂന്നാം ക്ലാസിൽ പഠിക്കുന്ന സമയത്താണ് കലാമേഖലയിലേക്ക് തിരിഞ്ഞത്. ആദ്യമായി സ്റ്റേജിൽ പാട്ടു പാടിയപ്പോൾ കൂക്ക് വിളി ആയിരുന്നു ലഭിച്ചത്. കൂട്ടുകാർ പോലും സ്റ്റേജിൽ നിന്നും ഇറങ്ങാൻ പറഞ്ഞു. അതായിരുന്നു ആദ്യത്തെ അനുഭവം എന്നും പിന്നീട് അഞ്ചാം ക്ലാസിൽ പഠിക്കുന്ന സമയത്ത് വീണ്ടും വേദിയിൽ കയറി ഫാൻസി ഡ്രസ്സ് കോമ്പറ്റീഷനിൽ പങ്കെടുത്തു എന്നും ഒന്നാം സമ്മാനം അതിന് ലഭിച്ചു എന്നുമാണ് താരം പറയുന്നത്. ഒരു ഭിക്ഷക്കാരന്റെ വേഷമായിരുന്നു താരം ഈ പരിപാടിയിൽ തിരഞ്ഞെടുത്തത്.

പിന്നീട് ആറിലോ ഏഴിലോ മറ്റോ പഠിക്കുന്ന സമയത്ത് യൂത്ത് ഫെസ്റ്റിവലിൽ ഒക്കെ മിക്കവാറും പങ്കെടുക്കുമായിരുന്നു എന്നാണ് താരം പറയുന്നത്. അങ്ങനെ കുറച്ച് ഐറ്റത്തിന് ഒക്കെ ഫസ്റ്റ് പ്രൈസ് കിട്ടി. അങ്ങനെ അവിടെയുള്ള അധ്യാപകർ ആണ് സിനിമയിലേക്ക് തിരിയുവാൻ നിർദ്ദേശിച്ചത്. ഒന്നു ശ്രമിച്ചു നോക്കൂ എന്നായിരുന്നു അദ്ദേഹം പറഞ്ഞത്. പക്ഷേ സിനിമാക്കാരെ എങ്ങനെ കോൺടാക്ട് ചെയ്യണം എന്ന് ഇദ്ദേഹത്തിന് അറിയില്ലായിരുന്നു.

അങ്ങനെ എട്ടാം ക്ലാസിൽ പഠിക്കുമ്പോൾ ആണ് എങ്ങനെയെങ്കിലും സിനിമയിൽ കയറണം എന്ന ആഗ്രഹം കശലായി മാറിയത്. അന്ന് രണ്ടു സ്റ്റുഡിയോയെ കുറിച്ച് മാത്രമായിരുന്നു ഇദ്ദേഹത്തിന് അറിവുണ്ടായിരുന്നത്. ഒന്ന് ആലപ്പുഴയിലെ ഉദയ സ്റ്റുഡിയോ. മറ്റൊന്ന് തിരുവനന്തപുരത്ത് ഉള്ള ഒരു സ്റ്റുഡിയോ. അതുപോലും പത്രങ്ങളിൽ നിന്നും വായിച്ചുള്ള അറിവാണ്. അങ്ങനെയാണ് അങ്ങോട്ടേക്ക് ഒളിച്ചോടി പോകുവാൻ തീരുമാനിച്ചത്. എന്നാൽ പോകുന്ന കാര്യം അമ്മയോട് പറഞ്ഞിരുന്നു. പക്ഷേ അമ്മയുടെ ചോദ്യങ്ങൾക്ക് ഒന്നും താരം മറുപടി നൽകിയിരുന്നില്ല. അമ്മ ഈ കാര്യം അച്ഛനെ അറിയിച്ചു. അച്ഛൻ എന്നെ വിളിച്ചിട്ട് ഇങ്ങനെ ചോദിച്ചു – നീ ഒളിച്ചോടാൻ നിൽക്കുവാണെന്ന് കേട്ടല്ലോ ശരിയാണോ? താരം അതെ എന്ന ഉത്തരവും നൽകി.