അടുത്തകാലത്ത് ഇറങ്ങിയ ദിലീപ് സിനിമകളിലെ ഏറ്റവും ഉയർന്ന കളക്ഷൻ, ജനപ്രിയ നായകൻ എന്ന പദവി ദിലീപ് തിരിച്ചെടുക്കുമോ? പവി കെയർടേക്കർ സിനിമയുടെ കളക്ഷൻ റിപ്പോർട്ട് പുറത്ത്

ഒരു നടന്റെ താരമൂല്യം എത്രത്തോളമാണ് എന്ന് തീരുമാനിക്കുന്നത് ഇന്ന് കോടി ക്ലബ്ബുകൾ ആണ്. റിലീസ് ദിനം മിനിമം ഒരു കോടിയെങ്കിലും കയറ്റിയിട്ടില്ല എങ്കിൽ അതിലെ പ്രധാനപ്പെട്ട നടൻ ഒരു മെയിൻ സ്ട്രീം നടൻ അല്ല എന്നാണ് അർത്ഥം എന്നാണ് ഇന്നത്തെ സിനിമ പ്രേമികൾ പറയുന്നത്. അതുകൊണ്ടുതന്നെ ഇറങ്ങുന്ന സിനിമകൾ എല്ലാം തന്നെ പരമാവധി ഒരു കോടി രൂപയിൽ അധികം എത്തിക്കുക കളക്ഷൻ എന്നതാണ് ഇന്ന് പ്രധാനപ്പെട്ട നടന്മാർ എല്ലാം തന്നെ നേരിടുന്ന ഒരു വെല്ലുവിളി. അത്തരത്തിൽ ദിലീപ് എന്ന താരം ഇപ്പോൾ എവിടെ നിൽക്കുന്നു? അദ്ദേഹത്തിൻറെ ഏറ്റവും പുതിയ സിനിമയുടെ കളക്ഷൻ പരിശോധിക്കാം.

ദിലീപ് നായകനായി എത്തിയ ഏറ്റവും പുതിയ ചിത്രമാണ് പവി കെയർടേക്കർ. നടനും സംവിധായകനുമായ വിനീത് കുമാർ ആണ് ചിത്രം സംവിധാനം ചെയ്തിരിക്കുന്നത്. ഒരു ഫീൽ ഗുഡ് സിനിമയാണ് ഇത് എന്നാണ് പ്രേക്ഷകർ എല്ലാവരും പറയുന്നത്. ഒരുപക്ഷേ ഇന്നത്തെ തലമുറയ്ക്ക് ഇഷ്ടപ്പെട്ടിട്ടില്ല എങ്കിലും സ്ത്രീകളും കുട്ടികളും ഉൾപ്പെടുന്ന വലിയൊരു വിഭാഗത്തിന് സിനിമ ഇഷ്ടം ആയിട്ടുണ്ട് എന്നാണ് പ്രേക്ഷകർ പറയുന്നത്. അതേസമയം സിനിമ ബോക്സ് ഓഫീസിൽ എങ്ങനെയാണ് പ്രകടനം കാഴ്ചവയ്ക്കുന്നത്? നമുക്ക് വിശദമായി പരിശോധിക്കാം.

സിനിമയുടെ ആദ്യത്തെ ദിന കളക്ഷൻ ഒരു കോടി രൂപയിൽ അധികം ഉണ്ട് എന്നാണ് റിപ്പോർട്ടുകൾ സൂചിപ്പിക്കുന്നത്. മാത്രവുമല്ല പിന്നീട് വന്ന വീക്കെൻഡ് ദിനങ്ങളിൽ സിനിമയുടെ കളക്ഷൻ നന്നായി ഉയർന്നിട്ടുണ്ട് എന്നും റിപ്പോർട്ടുകൾ സൂചിപ്പിക്കുന്നു. വളരെ മികച്ച അഭിപ്രായം ആണ് സിനിമയ്ക്ക് തിയേറ്ററുകളിൽ നിന്നും ലഭിച്ചുകൊണ്ടിരിക്കുന്നത്. ഇതിനോടകം ചിത്രം മൂന്ന് കോടി രൂപയിൽ അധികം സ്വന്തമാക്കി കഴിഞ്ഞു എന്നാണ് ലഭിക്കുന്ന റിപ്പോർട്ടുകൾ.

കേരളത്തിൽ നിന്ന് മാത്രം 3.5 കോടി രൂപയാണ് ചിത്രം സ്വന്തമാക്കിയത് എന്നാണ് കണക്കുകൾ സൂചിപ്പിക്കുന്നത്. ഒരു ദിലീപ് സിനിമയ്ക്ക് ഇത്രയും ഉയർന്ന കളക്ഷൻ കിട്ടുന്നത് സമീപകാലങ്ങളിൽ ആദ്യമായിട്ടാണ്. അടുത്തകാലങ്ങളിലായി ഇറങ്ങിയ ദിലീപ് സിനിമകൾ എല്ലാം തന്നെ നിരാശപ്പെടുത്തുന്നതായിരുന്നു. സിനിമയുടെ ഉള്ളടക്കം വച്ച് നോക്കുകയാണെങ്കിലും ബോക്സ് ഓഫീസിലെ പ്രകടനം വെച്ച് വിലയിരുത്തുകയാണെങ്കിലും അടുത്തിടെ പുറത്തിറങ്ങിയ ദിലീപ് സിനിമകൾ എല്ലാം തന്നെ പ്രതീക്ഷയ്ക്ക് താഴെയായിരുന്നു അവസാനിച്ചത്. എന്നാൽ ഇപ്പോൾ ജനപ്രിയനായകൻ എന്ന ടൈറ്റിൽ വീണ്ടെടുക്കാൻ വേണ്ടി ഇദ്ദേഹം ഒരു ജനപ്രിയ സിനിമയുമായി എത്തിയിരിക്കുകയാണ് എന്നാണ് പ്രേക്ഷകർ പറയുന്നത്.