കഥ സത്യമാണന്നു വിശ്വസ്സിക്കണമെങ്കിൽ പ്രേക്ഷകരും ആത്മാവിലും പുനർജന്മ്മത്തിലുമൊക്കെ വിശ്വസ്സിക്കണം; നൻപകൽ നേരത്ത് മയക്കം സിനിമയുടെ റിവ്യൂ പറഞ്ഞ് നടൻ തമ്പി ആന്റണി

മമ്മൂട്ടി -ലിജോ ജോസ് പെല്ലിശ്ശേരി കൂട്ടുകെട്ടിൽ എത്തിയ ചിത്രമായിരുന്നു നൻപകൽ നേരത്ത് മയക്കം. പ്രേക്ഷക പ്രശംസയും നിരൂപണ പ്രശംസയും ഒരുപോലെ നേടാൻ ചിത്രത്തിന് ആയിരുന്നു.

ഇപ്പോഴിതാ ചിത്രം കണ്ട് പ്രശംസയുമായി എത്തിയിരിക്കുകയാണ് നടനും നിർമ്മാതാവുമായ തമ്പി ആന്റണി.

കഥയിൽ ചോദ്യമില്ലെങ്കിൽ കണ്ടിരിക്കാവുന്ന ചിത്രം എന്ന് നൻപകലിനെ കുറിച്ച് തമ്പി ആന്റണി പറയുന്നു.

ജെയിംസ് ആയും സുന്ദരമായും മമ്മൂട്ടി ഒട്ടും അതിഭാവുകത്വമില്ലാതെ തന്നെ അഭിനയിച്ചിട്ടുണ്ട് എന്നും തമ്പി ആന്റണി കുറിച്ചു.സോഷ്യൽ മീഡിയ പോസ്റ്റിലൂടെയായിരുന്നു തമ്പി ആന്റണിയുടെ വാക്കുകൾ.

നൻപകൽനേരത്തു മയക്കം (ആസ്വാദനം)New movie on Netflix .

കഥയിൽ ചോദ്യമില്ലെങ്കിൽ കണ്ടിരിക്കാവുന്ന ചിത്രം. പ്രത്യകിച്ചും, ജെയിംസ് ഉറക്കത്തിൽനിന്നുണരുബോൾ എങ്ങനെ സുന്ദരമാകും എന്നൊക്കെ ചോദിക്കാനേ പാടില്ല.

വേളാങ്കണ്ണിക്കു പോകുന്ന ജെയിംസും കൂട്ടുകാരും തിരിച്ചുവരുബോഴാണ് ഉറക്കത്തിൽനിനുണർന്ന ജെയിംസ് ബസ്സിൽനിന്നും, സുന്ദരമായി ഇറങ്ങിപോകുന്നത്.

തമിഴ്നാട്ടിലുള്ള ഒരു കുഗ്രാമത്തിൽ സുന്ദരമായി ജീവിക്കുന്ന ജെയിംസിനു കൂടെവന്ന ഭാര്യയെയും മകനെയുംപോലും തിരിച്ചറിയാൻ കഴിയുന്നില്ല. അങ്ങനെ ആരെയും തിരിച്ചറിയാത്ത സുന്ദരത്തെ കൂട്ടുകാർ വീണ്ടും ഉറക്കാൻ തീരുമാനിക്കുന്നു. അതിനുമുൻപ്‌ ആ ഗ്രാമത്തിൽവെച്ച്

ഉറങ്ങിയിട്ടുണ്ട് ഉണർന്നിട്ടുമുണ്ട്, പക്ഷെ പക്ഷെ പകലുറങ്ങിയപ്പോൾ മാത്രമാണ് ആൾമാറാട്ടം സംഭവിക്കുന്നത്. എന്തായാലും ഉറക്കത്തിൽനിന്നുണർന്നപ്പോൾ വീണ്ടും ജെയിംസായി അവരുടെകൂടെ യാത്ര തുടരുന്നു.

സുന്ദരത്തിനെ ഉറക്കഗുളിക കൊടുത്തു ഉറക്കി എല്ലാവരുകൂടി എടുത്തോണ്ടുപോയി ബസ്സിൽ ഇരുത്തിയിരുന്നെങ്കിൽ കുറച്ചുകൂടി ഹാസ്യാത്മകമാകുമായിരുന്നു. ബസ്സിൽനിനുണരുബോൾ പാട്ടൊക്കെ കേട്ടു പഴെയ ജെയിംസായിരുന്നെങ്കിൽ നന്നായിരുന്നു എന്ന് ഒരു പ്രേഷകനെന്ന നിലക്ക് എനിക്കു തോന്നി.

രണ്ടു കഥാപാത്രാങ്ങളും മമ്മൂട്ടി ഒട്ടും അതിഭാവുകത്വമില്ലാതെതന്നെ അഭിനയിച്ചിട്ടുണ്ട്. എന്തായലും ക്‌ളൈമാക്‌സ് ആർക്കും പ്രവചിക്കാവുന്നതേയുള്ളു എന്നതൊരു ന്യുനതതന്നെയാണ്.

കഥ സത്യമാണന്നു വിശ്വസ്സിക്കണമെങ്കിൽ പ്രേക്ഷകരും ആത്മാവിലും പുനർജന്മ്മത്തിലുമൊക്കെ വിശ്വസ്സിക്കണം.അങ്ങനെ വിശ്വസ്സിക്കുന്നവർ എത്രപേർ ഈ സിനിമ കാണും എന്നറിയില്ല. അതൊക്കെ മറന്നാൽ ലിജു ജോസ് പെല്ലിശ്ശേരിയുടെ ഈ ചിത്രംത്തിനും അദ്ദേഹത്തിന്റ മുൻകാല ചിത്രങ്ങൾപോലെ പുതുമയുണ്ട്.

മമ്മൂട്ടി കമ്പനിയുടെ ബാനറിലാണ് “നൻപകൽനേരത്തു മയക്കം”. പുതുമയുള്ള കഥയും കഥാപാത്രവും നോക്കി ഇങ്ങനെ ഒരു സാധാരണക്കാരന്റെ സിനിമ ചെയ്യാൻ തീരുമാനിച്ച മമ്മൂക്കയേയും ലിജോ ജോസ് പല്ലിശ്ശേരിയെയും ഈ ചിത്രത്തിന്റെ അണിയറയിൽ

പ്രവർത്തിച്ച എല്ലാവർക്കും അഭിനന്ദനങ്ങൾ .