ഏകതാ പ്രതിമ OLX ഇൽ 30000 കോടി രൂപയ്ക്കു വില്പനക്ക് : കേസെടുത്ത് പോലീസ് : കൊറോണ വൈറസ് മഹാമാരി വ്യാപിക്കുന്ന പശ്ചാത്തലത്തിൽ മെഡിക്കൽ ഇൻഫ്രാസ്ട്രക്ചറിനും ആശുപത്രികൾക്കുമായുള്ള സർക്കാർ ചെലവുകൾക്കായി 30,000 കോടി രൂപയ്ക്ക് സ്റ്റാച്യു ഓഫ് യൂണിറ്റി വിൽക്കുന്നതിനായി പരസ്യം നൽകി ഒരു വിരുതൻ. നർമദ ജില്ലയിലെ കെവാഡിയയിൽ സ്ഥിതിചെയ്യുന്ന “സ്റ്റാച്യു ഓഫ് യൂണിറ്റി” വിൽപ്പനയ്ക്കായി ഓൺലൈൻ പരസ്യം നൽകിയതിന് അജ്ഞാത വ്യക്തിക്കെതിരെ കേസ് രജിസ്റ്റർ ചെയ്തിട്ടുണ്ട്.
സർദാർ പട്ടേലിന്റെ സ്മാരകമായ ഏകതാ പ്രതിമയ്ക്ക് 182 മീറ്റർ ഉയരമുണ്ട്. 2018 ൽ പ്രധാനമന്ത്രി നരേന്ദ്ര മോദിയാണ് ഇത് ഉദ്ഘാടനം ചെയ്തത്.
ശനിയാഴ്ചയാണ് അജ്ഞാതനായ ഒരാൾ OLX ൽ ഇങ്ങനെ ഒരു പരസ്യം നൽകിയത്, അതിൽ ആശുപത്രികളും ആരോഗ്യസംരക്ഷണ ഉപകരണങ്ങളും വാങ്ങുന്നതിന് 30,000 കോടി രൂപയ്ക്ക് “സ്റ്റാച്യു ഓഫ് യൂണിറ്റി” വില്പനക്ക്, എഫ്ഐആർ ഉദ്ധരിച്ച് കെവാഡിയ പോലീസ് സ്റ്റേഷനിലെ ഒരു ഉദ്യോഗസ്ഥൻ പറഞ്ഞതിനിങ്ങനെയാണ്
ഒരു പത്രത്തിൽ റിപ്പോർട്ട് വന്നപ്പോൾ അവർ പൊലീസുമായി ബന്ധപ്പെട്ടപ്പോഴാണ് സ്മാരകത്തിലെ ഉദ്യോഗസ്ഥർക്ക് ഇത് മനസ്സിലായതെന്നു ഇൻസ്പെക്ടർ പി ടി ചൗധരി പറഞ്ഞു. വിവിധ നിയമങ്ങൾ പ്രകാരം ഇക്കാര്യത്തിൽ കേസ് രജിസ്റ്റർ ചെയ്തിട്ടുണ്ടെന്ന് അദ്ദേഹം പറഞ്ഞു. പരസ്യം പിന്നീട് വെബ്സൈറ്റിൽ നിന്ന് നീക്കം ചെയ്തു.