ലോകം എമ്പാടും അന്തര്ദേശീയ വനിതാ ദിനം ആഘോഷിക്കുകയാണ് ഇന്ന്. വനിത ദിനത്തില് സോഷ്യല് മീഡിയ നിറയെ വനിത ദിന ആശംസകളുടെ പോസ്റ്റുകളാണ്. എപ്പോഴിത സോഷ്യല് മീഡിയയില് വനിത ദിനം ആഘോഷിക്കുന്നവരോട് അടുക്കളയില് കയറണമെന്ന് പറയുകയാണ്
യുവനടന് സൂരജ് സണ്.
വനിത ദിന പോസ്റ്റുകള്ക്ക് പകരം പുരുഷന്മാര് അടുക്കളയില് കയറണമെന്നാണ് സൂരജ് സണ് പറയുന്നത്. സോഷ്യല് മീഡിയയില് പങ്കുവച്ച കുറിപ്പിലാണ് സോഷ്യല് മീഡിയയില് ആശംസ അറിയിച്ച് വനിത ദിനം ആഘോഷിക്കുന്നവരോടുള്ള സൂരജിന്റെ ആഹ്വാനം.
സൂരജിന്റെ വാക്കുകള്-‘ഇന്ന് വനിതാദിനം. ഫേസ്ബുക്ക് പോസ്റ്റിനു പകരം സ്വന്തം വീട്ടിലെ വനിതകളെ ഇന്ന് അടുക്കളയില് കയറ്റാതെ അവര്ക്ക് ഭക്ഷണം വെച്ചുണ്ടാക്കി കൊടുത്ത് മാതൃകയാകുക. ഒരു ചെയ്ഞ്ച് ആരാ ആഗ്രഹിക്കാത്തത്’, എന്നാണ് സൂരജിന്റെ ഫേസ്ബുക്ക് പോസ്റ്റ്.
നിരവധി പേരാണ് സൂരജിന്റെ പോസ്റ്റിന് താഴെ കമന്റുമായി എത്തുന്നത്. മികച്ച ഒരു ആശയമാണ് എന്നാണ് സ്ത്രീകള് കമന്റ് ചെയ്യുന്നത്. അതേസമയം പാടാത്ത പൈങ്കിളി എന്ന ജനപ്രിയ ടെലിവിഷന് പരമ്പരയിലൂടെയാണ് സൂരജ് സണ് ശ്രദ്ധ നേടുന്നത്.
സിനിമ അരങ്ങേറ്റത്തിനും ഒരുങ്ങുകയാണ് താരം, ഷാജൂണ് കാര്യാല് സംവിധാനം ചെയ്യുന്ന മൃദു ഭാവേ ദൃഢ കൃത്യേ എന്ന സിനിമയില് നായകനായി പ്രേക്ഷകര്ക്ക് മുന്നിലേക്ക് എത്താന് ഒരുങ്ങുകയാണ് നിലവില് സൂരജ്.