അമ്മയുടെ പാട്ട് സ്റ്റേജിൽ ആലപിച്ച് മകൾ, വിധികർത്താവായി അമ്മ, അതിഥിയായി അച്ഛൻ – അമ്മയുടെ മകൾ തന്നെ എന്ന് സോഷ്യൽ മീഡിയ

മലയാളികൾക്ക് ഏറെ പ്രിയപ്പെട്ട പാട്ടുകളിൽ ഒരാളാണ് സിതാര. മലയാളികൾക്ക് പ്രിയപ്പെട്ട ഒരു പിടി ഗാനങ്ങൾ ആലപിച്ചത് ഇവരാണ് എന്നതുകൊണ്ട് മാത്രമല്ല സമൂഹമാധ്യമങ്ങളിൽ വളരെ മികച്ച ഇടപെടലുകൾ നടത്തുന്ന ഒരു താരം കൂടിയാണ് ഇവർ എന്നതുകൊണ്ട് കൂടിയാണ്. സിത്താരയുടെ വിശേഷങ്ങൾ അറിയാൻ മലയാളികൾക്ക് ഒരു പ്രത്യേക താൽപര്യമാണ്. സിത്താര ഇടയ്ക്കിടെ സമൂഹമാധ്യമങ്ങളിൽ തൻ്റെ വിശേഷങ്ങൾ പങ്കു വയ്ക്കാറുണ്ട്, മലയാളികൾക്ക് ഇതെല്ലാം ഒരെണ്ണം പോലും വിടാതെ എടുക്കാറുണ്ട്.

ഇപ്പോൾ സിത്താരയുടെ മകൾ സായുമ്മ സൂപ്പർ ഫോർ വേദിയിൽ എത്തിയിരിക്കുകയാണ്. സാവൻ ഋതു എന്നാണ് ഈ കൊച്ചുമിടുക്കിയുടെ യഥാർത്ഥ പേര്. വന്ന ഉടനെ തന്നെ വിധു പ്രതാപും ജോത്സ്നയും ഒരുപാട് ചോദ്യങ്ങൾ ചോദിച്ചു ഈ കൊച്ചു മിടുക്കിയുടെ കുഴക്കി എങ്കിലും പാട്ട് തുടങ്ങിയതോടെ ഫുൾ ഓൺ എനർജിയായി താരത്തിന്. പാട്ടുപാടി ഏവരെയും ഞെട്ടിക്കുക ആയിരുന്നു ഈ കൊച്ചു താരം. മഴവിൽ മനോരമ തന്നെ അവരുടെ ഫേസ്ബുക്ക് പേജ് വഴി ഈ വീഡിയോ പങ്കു വെച്ചിട്ടുണ്ട്. ധാരാളം ആളുകളാണ് ഇതിനു അടിയിൽ അഭിനന്ദനങ്ങൾ അറിയിച്ചു കൊണ്ട് എത്തുന്നത്.

“അമ്മയുടെ മകൾ തന്നെ” എന്നാണ് ഭൂരിഭാഗം മലയാളികൾക്കും അഭിപ്രായപ്പെടുന്നത്. ഉയരെ എന്ന ചിത്രത്തിൽ സിത്താര പാടിയ “നീ മുകിലോ” എന്ന ഗാനമായിരുന്നു സായുമ്മ വേദിയിൽ പാടിയത്. പരിപാടിയുടെ ന്യൂ ഇയർ സ്പെഷ്യൽ എപ്പിസോഡിൽ ആയിരുന്നു സിത്താരയുടെ കുടുംബം അതിഥികളായി എത്തിയത്. ഇതിനു മുൻപ് വിധുപ്രതാപിൻറെ കുടുംബവും പരിപാടിയിൽ എത്തിയിരുന്നു.

പരിപാടിയിൽ സിത്താരയുടെ ഭർത്താവ് സജീഷും പങ്കെടുത്തിരുന്നു. ആദ്യമായിട്ടാണ് ഒരു പബ്ലിക് പ്ലാറ്റ്ഫോമിൽ സിത്താരയുടെ ഭർത്താവ് സജീഷ് പങ്കെടുക്കുന്നത്. കാലിക്കറ്റ് യൂണിവേഴ്സിറ്റിയുടെ മുൻ ചെയർമാനായിരുന്നു സജീഷ്. ഇപ്പോൾ ഇടം എന്ന സംരംഭത്തിൻ്റെ നടത്തിപ്പുകാരനും നിർമാതാവും ഒക്കെയാണ് സജീഷ്. എന്തായാലും ഇവരുടെ കുടുംബവിശേഷങ്ങൾ ഉൾക്കൊള്ളിച്ചു കൊണ്ടുള്ള ഈ എപ്പിസോഡ് ഇതിനോടകം നിരവധി ആളുകളാണ് സമൂഹമാധ്യമങ്ങളിൽ നിന്നും കണ്ടു കഴിഞ്ഞത്.