കിയാര അദ്വാനി വിവാഹിതയാകുന്നു, വരന്‍ ആരാണെന്ന് അറിയാമോ, വിവാഹം അടുത്ത ഫെബ്രുവരിയില്‍; ബോളിവുഡ് ആരാധകര്‍ കാത്തിരുന്ന വിവാഹ തീയതി സൂചനകള്‍ എത്തി

ബോളിവുഡ് താരങ്ങളായ സിദ്ധാര്‍ത്ഥ് മല്‍ഹോത്രയുടെയും കിയാര അദ്വാനിയുടെയും വിവാഹ വാര്‍ത്തകള്‍ പ്രചരിക്കാന്‍ തുടങ്ങിയിട്ട് നാളുകളേറെയായി. എന്നാല്‍ തങ്ങള്‍ പ്രണയത്തിലാണെന്ന് സിദ്ധാര്‍ത്ഥും കിയാരയും ഇതേവരെ പറഞ്ഞിട്ടില്ല. എന്നാല്‍ ഈ വാര്‍ത്തകള്‍ നിഷേധിച്ചിട്ടുമില്ല.

ആരാധക ലോകം ഇരുവരുടെയും വിവാഹത്തിനായി കാത്തിരിക്കുകയാണ്. ഇപ്പോഴിത ഇരുവരുടെയും വിവാഹ വാര്‍ത്തകള്‍ സംബന്ധിച്ച റിപ്പോര്‍ട്ടുകള്‍ എത്തുകയാണ്. ഇരുവരും ഉടന്‍ വിവാഹിതരാകും എന്നാണ് റിപ്പോര്‍ട്ടുകള്‍.

സിദ്ധാര്‍ത്ഥ് മല്‍ഹോത്രയും കിയാര അദ്വാനിയും 2023 ഫെബ്രുവരി ആദ്യ വാരത്തില്‍ വിവാഹിതരാകാന്‍ ഒരുങ്ങുകയാണ്, ഫെബ്രുവരി 6 ന് വിവാഹം നടക്കുമെന്നാണ് സൂചന. ഇതിനെത്തുടര്‍ന്ന് ഡല്‍ഹിയില്‍ ഒരു ചടങ്ങ് നടക്കും, അവരുടെ അടുത്തവരും പ്രിയപ്പെട്ടവരും പങ്കെടുക്കാന്‍ സാധ്യതയുണ്ട്.

‘ജയ്സാല്‍മീര്‍ പാലസ് ഹോട്ടലില്‍ വച്ചാണ് വിവാഹം നടക്കുക. അത്യധികം സുരക്ഷയോടെയുള്ള ആഡംബര പരിപാടിയായിരിക്കും ഇതെന്നും റിപ്പോര്‍ട്ടുകള്‍ പറയുന്നു.

കരണ്‍ ജോഹര്‍, വരുണ്‍ ധവാന്‍ കത്രീന കൈഫ്, രാകുല്‍ പ്രീത് സിങ് തുടങ്ങി നിരവധി പേര്‍ വിവാഹത്തില്‍ പങ്കെടുക്കുമെന്നാണ് സൂചന. എന്നാല്‍ ഇക്കാര്യത്തില്‍ ഔദ്യോഗിക സ്ഥിരീകരണം എത്തിയിട്ടില്ല.

അതേസമയം ഈ സമയം തന്റെ വിവാഹം ഉണ്ടാകുമെന്ന് സിദ്ധാര്‍ത്ഥ് വ്യക്തമാക്കിയിരുന്നു. എന്നാല്‍ ആരാണ് വധു എന്ന് സിദ്ധാര്‍ത്ഥ് പറഞ്ഞിരുന്നില്ല.
ഇതിനിടയില്‍ കഴിഞ്ഞ വ്യാഴാഴ്ച രാവിലെ മുംബൈ വിമാനത്താവളത്തില്‍ ഇരുവരെയും പാപ്പരാസികള്‍ സ്‌പോട്ട് ചെയ്തിരുന്നു. നിലവില്‍ കിയാര അദ്വാനിയും സിദ്ധാര്‍ത്ഥ് മല്‍ഹോത്രയും ദുബായിലാണ്.