ഷാരൂഖ് – അറ്റ്ലി ചിത്രം ജവാൻ ടീസർ പുറത്ത്. അപ്രതീക്ഷിതം, വിസ്മയകരം എന്ന് പ്രേക്ഷക പ്രതികരണം. യൂട്യൂബിൽ ട്രെൻഡിങ് ലിസ്റ്റിൽ!

ബോളിവുഡിലെ കിംഗ് ഖാൻ എന്നാണ് ഷാരൂഖ് അറിയപ്പെടുന്നത്. ഷാരൂഖിനെ നായകനാക്കി അട്ട്ലീ ഒരുക്കുന്ന ഏറ്റവും പുതിയ ബോളിവുഡ് ചിത്രമാണ് ജവാൻ. ചിത്രത്തിൻ്റെ ടീസർ ഇപ്പോൾ പുറത്തു വന്നിരിക്കുകയാണ്. സിനിമയുടെ ടൈറ്റിൽ അനൗൺസ്മെൻറ് ടീസർ ആണ് പുറത്ത് വന്നിരിക്കുന്നത്. റെഡ് ചില്ലീസ് എൻറർടൈമെൻറ് ബാനറിൽ ഗൗരി ഖാൻ ആണ് ഇത് നിർമ്മിച്ചിരിക്കുന്നത്.

അടുത്തവർഷം ജൂൺ രണ്ടിനാണ് ചിത്രം തിയേറ്ററുകളിലെത്തുക. ചിത്രത്തിൽ താരം ഡബിൾ റോളിൽ ആണ് ഉണ്ടാവുക എന്ന് റിപ്പോർട്ടുകൾ ഉണ്ട്. നായികയായി എത്തുന്നത് നയൻതാരയാണ്. ഗംഭീര ടീസർ എന്നാണ് ഇപ്പോൾ ഇതിന് വരുന്ന പ്രതികരണം. ഞങ്ങളുടെ കിംഗ് ഖാൻ്റെ തിരിച്ചുവരവിനായി കാത്തിരിക്കുന്നു എന്ന് ആരാധകർ ഒന്നാകെ പറയുന്നു. ചിത്രത്തിൽ അന്വേഷണ ഉദ്യോഗസ്ഥർ ആയിട്ടാണ് നയൻതാര എത്തുന്നത്.

നടി പ്രിയാമണിയും ഒരു പ്രധാന വേഷം ഇതിൽ ചെയ്യുന്നുണ്ട്. യോഗി ബാബു, സുനിൽ ഗ്രോവർ തുടങ്ങിയവർ പ്രധാന വേഷങ്ങളിൽ എത്തുന്നുണ്ട്. ചിത്രത്തിലെ മിക്ക അണിയറപ്രവർത്തകരും തെന്നിന്ത്യൻ ഇൻഡസ്ട്രിയിൽ നിന്നുള്ളവരാണ് എന്ന പ്രത്യേകതയുമുണ്ട്. ജികെ വിഷ്ണു ആണ് ചിത്രത്തിൻറെ ഛായാഗ്രഹകൻ. മെർസൽ, ബിഗിൽ എന്ന ചിത്രങ്ങൾക്കും ഇദ്ദേഹം തന്നെയാണ് ക്യാമറ ചലിപ്പിച്ചത്.

ഷാരൂഖ് തന്നെയാണ് ചിത്രം നിർമ്മിക്കുന്നത്. ഒരു മാസ് മസാല ആക്ഷൻ ത്രില്ലറായിരിക്കും ചിത്രമെന്നാണ് സൂചന. എന്തായാലും ടീസർ ഇപ്പോൾ യൂട്യൂബ് ട്രെൻഡിംഗ് ലിസ്റ്റിൽ ഇടം നേടിയിരിക്കുകയാണ്. ഷാരൂഖ് ആരാധകർ കടുത്ത ആകാംഷയോടെയാണ് ചിത്രത്തെ കാത്തിരിക്കുന്നത്.