ചുരുങ്ങിയ കാലം കൊണ്ട് വീണ്ടും പ്രമോഷൻ, മൂന്ന് മാസം കൊണ്ട് ഇവർ കണ്ടെത്തിയ “കാണാതായ കുട്ടികൾ” എത്രയെന്ന് അറിയാമോ?

ഡൽഹി പോലീസ് ഒരുപാട് തവണ വാർത്താമാധ്യമങ്ങളിൽ നിറയാറുണ്ട്. എന്നാൽ അത് പലപ്പോഴും രാഷ്ട്രീയ കാരണങ്ങൾ കൊണ്ട് മാത്രമായിരിക്കും. എന്നാൽ ഇത്തവണ ഒരു നല്ല വാർത്തയിൽ ആണ് ഡൽഹി പോലീസ് നിറയുന്നത്. അടുത്തിടെ ഡൽഹിയിലെ അമൻ വിഹാറിൽ നിന്നും ഒരു കുട്ടിയെ കാണാതായി. കുട്ടിയെ കണ്ടു പിടിക്കുന്നതിനു വേണ്ടി ഇവർ വെസ്റ്റ് ബംഗാളിലെ ഡബ്ര എന്ന് ജില്ല വരെ സഞ്ചരിച്ചു. രണ്ട് നദികൾ മുറിച്ചു കടന്നാണ് ഇവർ ഈ പ്രളയ ബാധിത മേഖലയിൽ എത്തിച്ചേർന്നത്.

സീമ ധാക്ക എന്നാണ് ഈ വനിതാ പോലീസ് ഉദ്യോഗസ്ഥയുടെ പേര്. വളരെ ചുരുങ്ങിയ കാലംകൊണ്ട് കാണാതായ നിരവധി കുട്ടികളെ കണ്ടുപിടിച്ച് മാതാപിതാക്കൾക്ക് തിരിച്ചേൽപ്പിച്ചതിനാണ് ഈ പ്രമോഷൻ ഇപ്പോൾ ഇവർക്ക് ലഭിച്ചിരിക്കുന്നത്. വെറും മൂന്നു മാസം കൊണ്ട് കാണാതായ 56 കുട്ടികളാണ് ഇവർ കണ്ടെത്തി കുടുംബത്തിന് തിരിച്ചു നൽകിയത്. ഇതിലധികവും 14 വയസ്സിൽ താഴെയുള്ള കുട്ടികളാണ്.

ഇതുവരെ 76 കുട്ടികളെ ആണ് ഇവർ മൊത്തത്തിൽ കണ്ടുപിടിച്ച് കുടുംബത്തിന് തിരിച്ചു നൽകിയത്. ഇതിൽ 20 പേർ 14 നും 16 നും ഇടയിൽ പ്രായമുള്ളവരാണ്. 2006 വർഷത്തിലാണ് സീമ പോലീസ് ഡൽഹി പോലീസ് സേനയുടെ ഭാഗമാകുന്നത്. ഇപ്പോൾ അസിസ്റ്റൻറ് സബ്ഇൻസ്പെക്ടർ ആയിട്ടാണ് പ്രമോഷൻ ലഭിച്ചിരിക്കുന്നത്. ഇവരുടെ ഭർത്താവും ഒരു പൊലീസ് ഉദ്യോഗസ്ഥനാണ്.

കാണാതായ കുട്ടികളെ കണ്ടെത്തുന്നതിന് വേണ്ടി ഇവർ കുറച്ചൊന്നുമല്ല സഞ്ചരിച്ചത്. പഞ്ചാബ്, ഉത്തർപ്രദേശ്, വെസ്റ്റ് ബംഗാൾ, നോയിഡ, ഗുരുഗ്രാം എന്നിങ്ങനെ നിരവധി സ്ഥലങ്ങളിൽ ഇവർ കുട്ടികളെ അന്വേഷിച്ച് ചെന്നിട്ടുണ്ട്. 2013 വർഷം മുതൽ ഇവർ കാണാതായ കുട്ടികൾക്ക് വേണ്ടി തിരച്ചിൽ നടത്തുകയായിരുന്നു. ഇപ്പോൾ സർക്കാർ തന്നെ ഇവരെ നേരിട്ട് അഭിനന്ദിച്ച ത്രില്ലിലാണ് ഇവർ.