നടിയുടെ കാല് നക്കിയത് പോലെ ഇനി തനിക്ക് രാജമൗലിയുടെ കാലും നക്കണം: വിചിത്രമായ രീതിയിൽ രാജമൗലിയെ പ്രശംസിച്ച് രാം ഗോപാൽ വർമ

ഇന്ത്യൻ സിനിമക്ക് അഭിമാനമായി മാറിയ ചിത്രമാണ് ആർ ആർ ആർ. കഴിഞ്ഞ ദിവസം ആയിരുന്നു ചിത്രം ഗോള്‍ഡന്‍ ഗ്ലോബ് പുരസ്‌കാരം നേടിയത്.

ചിത്രത്തിലെ നാട്ടുനാട്ടു ഗാനത്തിന് ആയിരുന്നു ഗോള്‍ഡന്‍ ഗ്ലോബ് പുരസ്‌കാരം നേടിയത്. ചിത്രത്തിനെ പ്രശംസിച്ച് നിരവധി പേരായിരുന്നു രംഗത്ത് വന്നത്.

വിഖ്യാത സംവിധായകന്‍ ജെയിംസ് കാമറൂണുള്‍പ്പെടെ പലരും രാജമൗലിയെ പ്രശംസിച്ച് രംഗത്ത് വന്നിരുന്നു. ഇപ്പോഴിതാ വിചിത്രമായ രീതിയിൽ രാജമൗലിയെ പ്രശംസിച്ച് എത്തിയിരിക്കുകയാണ് ബോളിവുഡ് സംവിധായകൻ രാം ഗോപാൽ വർമ.

നടിയുടെ കാല് നക്കിയത് പോലെ ഇനി തനിക്ക് രാജമൗലിയുടെ കാലും നക്കണമെന്ന് അദ്ദേഹം സോഷ്യല്‍മീഡിയയില്‍ കുറിച്ചു. ട്വിറ്ററിലൂടെ ആയിരുന്നു ആര്‍ജിവി ഇക്കാര്യം പറഞ്ഞത്.

ഇനി എസ്എസ് രാജമൗലിയെ ഇല്ലാതാക്കാന്‍ ഏതാനും ഇന്ത്യന്‍ സംവിധായകര്‍ ‘കൊലപാതക സംഘം വരെ ‘ രൂപീകരിച്ചതായി താനറിഞ്ഞെന്നും അതുകൊണ്ട് സൂക്ഷിക്കണമെന്നും മറ്റൊരു ട്വീറ്റില്‍ ആര്‍ജിവി കുറിച്ചു.

രാം ചരൺ, ജൂനിയർ എൻടിആർ എന്നിവർ കേന്ദ്ര കഥാപാത്രമായി എത്തിയ ചിത്രമാണ് ആർ ആർ ആർ.

ചിത്രത്തിലെ നാട്ടു നാട്ടു’ എന്ന ഗാനത്തിനായിരുന്നു ഗോള്‍ഡ് ഗ്ലോബ് അവാര്‍ഡ് ലഭിച്ചത്.എം എം കീരവാണിയാണ് സംഗീത സംവിധാനം ചെയ്തിരിക്കുന്നത്. ചന്ദ്രബോസിന്റെ വരികള്‍ രാഹുല്‍, കാല ഭൈരവ എന്നിവര്‍ ചേര്‍ന്നാണ് പാടിയിരിക്കുന്നത്.

1920കള്‍ പശ്ചാത്തലമായ ചിത്രം അല്ലൂരി സീതാരാമ രാജു, കോമരം ഭീം എന്നീ സ്വാതന്ത്ര്യ സമര സേനാനികളുടെ കഥയാണ് പറയുന്നത്.

അജയ് ദേവ്ഗണ്‍, ആലിയ ഭട്ട്, ഒലിവിയ മോറിസ്, റേ സ്റ്റീവെന്‍സണ്‍, അലിസണ്‍ ഡൂഡി തുടങ്ങിയ താരങ്ങളും ‘ആര്‍ആര്‍ആറി’ല്‍ അഭിനയിച്ചിരുന്നു. രാജമൗലിയുടെ അച്ഛന്‍ കെ വി വിജയേന്ദ്ര പ്രസാദ് ആണ് ചിത്രത്തിന് തിരക്കഥയെഴുതിയത്.