ജൂഡ് ആന്റണി സംവിധാനം ചെയ്ത പുതിയ ചിത്രം 2018 മികച്ച പ്രതികരണം നേടി പ്രദര്‍ശനം തുടരുകയാണ്. കേരളത്തെ ഭീതിയില്‍ ആഴ്ത്തിയ മഹാപ്രളയവും മലയാളികളുടെ അതിജീവനത്തിന്റെയും കഥ പറഞ്ഞ ചിത്രം മലയാളികള്‍ ഒന്നടങ്കം സ്വീകരിച്ചിരിക്കുകയാണ്.
മികച്ച പ്രതികരണം നേടുന്ന ചിത്രം ബോക്‌സ് ഓഫീസിലും കുതിപ്പ് തുടരുകയാണ്. ആഗോള കലക്ഷനില്‍ ചിത്രം 40 കോടിയിലേക്ക് അടുക്കുകയാണ്. വെള്ളിയാഴ്ച റിലീസ് ചെയ്യുന്ന ചിത്രം ശനിയും ഞായറും മികച്ച കളക്ഷന്‍ നേടുന്നത് സ്വഭാവികമാണ്.
എന്നാല്‍ തിങ്കളും ചൊവ്വയും കളക്ഷന്‍ നേടുന്നത് സാധാരണമല്ല. എന്നാല്‍ തിങ്കളാഴ്ചയും ചൊവ്വാഴ്ചയും മികച്ച കളക്ഷനാണ് 2018 നേടിയത്. 2018 തിങ്കളാഴ് നേടിയത് 3.95 കോടിയാണ് എന്നാണ് റിപ്പോര്‍ട്ടുകള്‍.
അവധി ദിനം അല്ലാഞ്ഞിട്ടു കൂടി ചൊവ്വാഴ്ച മാത്രം ചിത്രത്തിനു കേരളത്തില്‍ നിന്നും ലഭിച്ചത് 4 കോടി രൂപയാണ്. അതേസമയം കേരളത്തില്‍ ഒരു ചിത്രം നേടുന്ന നാലാമത്തെ മികച്ച തിങ്കളാഴ്ച കലക്ഷനാണ് 2018 നേടിയിരിക്കുന്നത്.
അതേസമയം ആദ്യ അഞ്ച് ദിനങ്ങളില്‍ കേരളത്തില്‍ നിന്ന് മാത്രം ‘2018’ നേടിയത് 17 കോടിയില്‍ അധികമാണ്. കര്‍ണാടകയില്‍ നിന്നും അഞ്ച് ദിവസം കൊണ്ട് ഒരു കോടി നേടിക്കഴിഞ്ഞു.
ഇത്തരത്തില്‍ മുന്‍പ് മലയാള സിനിമയില്‍ ഇത്രയും വലിയ ബോക്‌സ്ഓഫിസ് ചലനം സൃഷ്ടിച്ചത് മോഹന്‍ലാല്‍ ചിത്രം പുലിമുരുകനാണ് എന്നാണ് ട്രേഡ് അനലിസ്റ്റുകളും തിയറ്റര്‍ ഉടമകളും പറയുന്നത്.
ഇങ്ങനെ പോയാല്‍ പുലിമുരുകന്‍ കേരളത്തില്‍ നേടിയ ബോക്‌സോഫീസ് റെക്കോര്‍ഡുകള്‍ ‘2018’ തകര്‍ക്കും എന്നാണ് സോഷ്യല്‍ മീഡിയ പറയുന്നത്.
ഈ വര്‍ഷത്തെ ഏറ്റവും വലിയ ഹിറ്റിലേക്കാണ് 2018 പോകുന്നതെന്ന് ബോക്‌സ് ഓഫിസ് റിപ്പോര്‍ട്ടുകള്‍ സൂചിപ്പിക്കുന്നു.
ജൂഡ് ആന്തണി ജോസഫിന്റെ കരിയറിലെ ഏറ്റവും വലിയ ഹിറ്റായിരിക്കും 2018 എന്നും സിനിമ ആസ്വാദകര്‍ കരുതുന്നു.അഖില്‍ പി. ധര്‍മജന്‍ തിരക്കഥ ഒരുക്കിയ ചിത്രത്തില്‍ വന്‍ താരനിരയാണ് അണിനിരന്നത്.
ടൊവിനോ തോമസ്, ആസിഫ് അലി, കുഞ്ചാക്കോ ബോബന്‍, ഇന്ദ്രന്‍സ്, വിനീത് ശ്രീനിവാസന്‍, ലാല്‍, നരേന്‍, അപര്‍ണ ബാലമുരളി, അജു വര്‍ഗീസ് തുടങ്ങിയ താരങ്ങളാണ് ചിത്രത്തില്‍ വേഷമിടുന്നത്.
അഖില്‍ പി. ധര്‍മജന്‍ തിരക്കഥ ഒരുക്കിയ ചിത്രത്തിന്റെ ഛായാഗ്രഹണം നിര്‍വഹിച്ചത് അഖില്‍ ജോര്‍ജാണ്. ചമന്‍ ചാക്കോ ചിത്രസംയോജനം. നോബിന്‍ പോളിന്റേതാണ് സംഗീതം.
ക്യാവ്യാ ഫിലിംസ്, പി.കെ പ്രൈം പ്രൊഡക്ഷന്‍സ് എന്നിവയുടെ ബാനറില്‍ വേണു കുന്നപ്പള്ളി, സി.കെ പത്മകുമാര്‍, ആന്റോ ജോസഫ് എന്നിവരാണ് നിര്‍മാണം.
ആർഎംപി നേതാവ് കെഎസ് ഹരിഹരന്റെ സ്ത്രീ വിരുദ്ധ പരാമർശങ്ങൾ തള്ളിക്കളഞ്ഞ് വടകര എംഎൽഎയും രമ.അതേ സമയം കെകെ രമയെ വേദിയിൽ…
ബിഗ്ബോസിൽ ഹോട്ടൽ ടാസ്ക്കിന്റെ ഭാഗമായി സാബു മോൻ വന്നിരുന്നു.ഇപ്പോൾ ഇതാ ഈ അനുഭവം പങ്കുവെച്ച് താരം എത്തിയിരിക്കുകയാണ്.ഹോട്ടൽ റൂം ടാസ്കിൽ…
ബിഗ്ബോസ് അനുഭവം പങ്കിട്ട് ഗബ്രി രംഗത്ത്.ജാസ്മിനുമായി ആദ്യ ദിവസം തന്നെ അടുപ്പത്തിലാകാൻ കാരണം ആരാണെന്നും താൻ ലൗ ട്രാക്ക ്കളിച്ചിട്ടില്ലെന്നും…
മലയാളികൾക്ക് ഏറെ പ്രിയപ്പെട്ട പരിപാടികളിൽ ഒന്നാണ് ബിഗ് ബോസ്. ഇതിൻറെ മലയാളം പഠിപ്പിന്റെ ആറാമത്തെ സീസൺ പത്താം ആഴ്ചയിലേക്ക് കടക്കുകയാണ്.…
ബിഗ് ബോസ് ആറാമത്തെ സീസൺ പത്താം ആഴ്ചയിലേക്ക് കടക്കുകയാണ്. 5 ആഴ്ചകൾ കൂടി കഴിഞ്ഞാൽ ഈ സീസണിലെ വിജയി ആരാണ്…
മലയാളികൾക്ക് ഒരുകാലത്തും മറക്കാൻ സാധിക്കാത്ത അതുല്യ നടന്മാരിൽ ഒരാളാണ് എൻഎൻ പിള്ള. ഒരുപക്ഷേ അഞ്ഞൂറാൻ എന്നു പറഞ്ഞാൽ ആയിരിക്കും ഇദ്ദേഹത്തെ…