ജാസ്മിനെ കേട്ടാൽ അറയ്ക്കുന്ന തെറി വിളിക്കുന്നു.ഈ തെറി വിളി ഒരു പ്ലാൻഡ് അറ്റാക്കാണ്.എന്ത് മാനസിക ഉല്ലാസമാണ് ഇവർക്ക് കിട്ടുന്നത്

ബിഗ്ബോസിലൂടെ പ്രേക്ഷക പ്രീതി നേടിയ താരമാണ് ജാസ്മിനും ഗബ്രിയും.ജാസ്മിന്‍ – ഗബ്രി കോമ്പോയ്ക്ക് വലിയ വിമർശനങ്ങളാണ് പ്രേക്ഷകരില്‍ നിന്നും കേള്‍ക്കേണ്ടി വന്നത്. വിമർശനങ്ങള്‍ കേള്‍ക്കേണ്ടി വരുമ്പോഴും ബിഗ് ബോസ് സീസണ്‍ 6 ല്‍ ഏറ്റവും കൂടുതല്‍ കണ്ടന്റ് നല്‍കിയ താരം ജാസ്മിനാണെന്നതില്‍ തർക്കമില്ല. വിമർശനങ്ങള്‍ ആകാമെങ്കില്‍ ജാസ്മിനെ ചില വിഭാഗങ്ങള്‍ അകാരണമായി വിമർശിക്കുന്നുവെന്ന പക്ഷക്കാരും നിരവധിയാണ്.ഇപ്പോൾ ഇതാ ജാസ്മിൻ്റെ ഫോട്ടോയ്ക്ക് കീഴിൽ വന്ന് കേട്ടാലറയ്ക്കുന്ന തെറി കമൻ്റ് എഴുതുന്നവർക്ക് എന്ത് തരം മാനസിക ഉല്ലാസമാണ് കിട്ടുന്നതെന്നാണ് ജാസ്മിനെ പിന്തുണയ്ക്കുന്നുവർ ചോദിക്കുന്നത്. ഇത്രയും ദിവസമായി തുടരുന്ന ഈ തെറി വിളി ഒരു പ്ലാൻഡ് അറ്റാക്കാണെന്ന് മനസിലാക്കാൻ വളരെ എളുപ്പമാണ്.
ഒരാളുടെ ഗെയിം കണ്ട് വേണം വിലയിരുത്താൻ എന്ന് പോലും മനസിലാക്കാൻ കഴിയാത്തവരോട് പുച്ഛം മാത്രമാണുള്ളതെന്നും അവർ പറയുന്നു.

ലൈവ് ഇപ്പോൾ കാണാൻ തോന്നാറില്ല..ഫുൾ ജാസ്മിനും ഗബ്രിയും ആണ്. എപ്പിസോഡിലും മുഴുവൻ അവരുടെ സംസാരം.” ഇങ്ങനെയുള്ള ഒരുപാട് പോസ്റ്റും കമന്റും കണ്ടപ്പോൾ മനസ്സിൽ തോന്നിയ ഒരു ചോദ്യമാണ്. സത്യത്തിൽ മുഴുവൻ സമയം നമുക്ക് ഇവരെ കാണേണ്ടി വരുന്നത് മറ്റുളള പത്ത് പതിനഞ്ച് മത്സരാർത്ഥികളുടെ പരാജയം അല്ലേ അവർ ആരെങ്കിലും അപ്പുറത്ത് നല്ല കണ്ടന്റ് തരുന്നുണ്ടെങ്കിൽ പിന്നെ ഇത് കാണേണ്ടി വരില്ലല്ലോയെന്നും ജാസ്മിനേയും ഗബ്രിയേയും പിന്തുണയ്ക്കുന്ന മറ്റൊരു പ്രേക്ഷകന്‍ ചോദിക്കുന്നു.അപ്പുറത്ത് വളരേ നല്ല കണ്ടന്റ് ഉള്ള സമയത്ത് അത് കാണിക്കാതെ ജാസ്മിനെയും ഗബ്രിയേയും കാണിച്ചിരിക്കുന്ന സന്ദർഭം ഉണ്ടായിട്ടുണ്ടോ? അപ്പുറത്തുള്ളവർക്ക് നല്ല കണ്ടന്റുകള്‍ കൊടുക്കാന്‍ കഴിയാതെ പോകുന്നതിന് ജാസ്മിനേയും ഗബ്രിയേയും കുറ്റം പറഞ്ഞിട്ട് കാര്യമുണ്ടോയെന്നും പ്രേക്ഷകർ ചോദിക്കുന്നു.