ഇടുക്കി ഗവണ്മെന്റ് എൻജിനീയറിങ് കോളജ് വിദ്യാർത്ഥിയും എസ്.എഫ്.ഐ പ്രവർത്തകനുമായ ധീരജിനെ കൊലപ്പെടുത്തിയ കേസിൽ ഒരാള് കൂടി പിടിയിലായി. യൂത്ത് കോണ്ഗ്രസ് ജില്ലാ ജനറല് സെക്രട്ടറി നിതിന് ലൂക്കോസിനെയാണ് അന്വേഷണ സംഘം കസ്റ്റഡിയിലെടുത്തത്. മുരിക്കാശേരിയില് നിന്നാണ് പ്രതി പിടിയിലായത്. കേസിലെ നാലാം പ്രതിയാണ് ഇയാള്. കൃത്യത്തില് നേരിട്ട് പങ്കെടുത്ത ഒരാള്കൂടി പിടിയിലാവാനുണ്ട്
തിങ്കളാഴ്ചയാണ് കോളജ് ക്യാമ്പസിൽ ധീരജ് കുത്തേറ്റുമരിച്ചത്. കോളജ് യൂണിയന് തെരഞ്ഞെടുപ്പുമായി ബന്ധപ്പെട്ട സംഘര്ഷത്തിനിടെ യൂത്ത് കോണ്ഗ്രസ് നേതാവായ നിഖില് പൈലി ധീരജിനെ കുത്തുകയായിരുന്നു. ആഴത്തിലുള്ള മുറിവും ഹൃദയത്തിനേറ്റ പരുക്കുമാണ് ധീരജിന്റെ മരണത്തിന് കാരണമായതെന്നാണ് പോസ്റ്റുമാര്ട്ടം റിപ്പോര്ട്ട്. നിഖിൽ പൈലി ഉൾപ്പെടെ പ്രധാന പ്രതികൾ ഇതിനോടകം പിടിയിലായിട്ടുണ്ട്.