ജോജു ജോര്ജ്ജ് നായകനായി നവാഗതനായ രോഹിത് എം ജി കൃഷ്ണന് സംവിധാനം ചെയ്ത ചിത്രമാണ് ഇരട്ട. തീയറ്ററില് മികച്ച പ്രതികരണം നേടിയ ചിത്രം ഒടിടിയിലും എത്തിയിരിക്കുകയാണ്.
കഴിഞ്ഞ ദിവസം ഒടിടി റിലീസ് ആയ ചിത്രം കണ്ട് നിരവധി പേരാണ് പ്രശംസയുമായി എത്തുന്നത്. ഇപ്പോഴിത ചിത്രം കണ്ട് പ്രശംസയുമായി എത്തിയിരിക്കുകയാണ് എഴുത്തുകാരന് എന് എസ് മാധവന്. ഒരു മൂന്നാര് ഡ്രൈവ് പോലെയാണ് ചിത്രമെന്ന് പറയുന്നു അദ്ദേഹം.
‘വൗ ഇരട്ട! ഒരു മൂന്നാര് ഡ്രൈവ് പോലെ വളവുകളും തിരിവുകളും. ജോജു ജോര്ജിനെ എപ്പോഴും ഇഷ്ടപ്പെട്ടിട്ടുണ്ട്. ആ അവസാന ലാപ്പിലെ അദ്ദേഹത്തിന്റെ പ്രകടനം പൂര്ണ്ണമായും വശീകരിക്കുന്നതായിരുന്നു. മലയാളം സിനിമകള്ക്ക് അതുണ്ട്!’, എന് എസ് മാധവന് ട്വീറ്റ് ചെയ്തു.
Wow #Iratta! Twists and turns like a Munnar drive. Always liked Joju George. In the last lap he was simply spell-binding. Malayalam movies are having it! pic.twitter.com/WQlnhlM3hF
— N.S. Madhavan (@NSMlive) March 6, 2023
നവാഗതനായ രോഹിത് എം ജി കൃഷ്ണന് സംവിധാനം ചെയ്തിരിക്കുന്ന ചിത്രത്തില് വിനോദ്, പ്രമോദ് എന്നീ ഇരട്ട സഹോദരന്മാരായാണ് ജോജു എത്തുന്നത്. നിരവധി സസ്പെന്സുകള് ഒളിപ്പിച്ചു വച്ച ഒരു പൊലീസ് ക്രൈം ഇന്വെസ്റ്റിഗേഷന് ത്രില്ലര് ആണ് ചിത്രം.
തമിഴ്- മലയാളി താരം അഞ്ജലി ആണ് ചിത്രത്തില് നായികയായി എത്തുന്നത്. ജോജു ജോര്ജ്, അഞ്ജലി എന്നിവരെ കൂടാതെ ശ്രിന്ദ, ആര്യ സലിം, ശ്രീകാന്ത് മുരളി, സാബുമോന്, അഭിറാം എന്നിവരാണ് ‘ഇരട്ട’യിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
വിജയ് ആണ് ഇരട്ടയുടെ ക്യാമറാമാന്. ജേക്സ് ബിജോയ് ആണ് സംഗീത സംവിധാനം. വരികള് അന്വര് അലി, എഡിറ്റിംഗ് മനു ആന്റണി, കലാസംവിധാനം ദിലീപ് നാഥ്, വസ്ത്രാലങ്കാരം സമീറ സനീഷ്, മേക്കപ്പ് റോണെക്സ് സേവ്യര്, സംഘട്ടനം കെ രാജശേഖര്,
ജോജു ജോര്ജിന്റെ ഉടമസ്ഥതയിലുള്ള അപ്പു പാത്തു പപ്പു പ്രൊഡക്ഷന്സും മാര്ട്ടിന് പ്രക്കാട്ട് ഫിലിംസും സിജോ വടക്കനും ചേര്ന്നാണ് ചിത്രത്തിന്റെ നിര്മ്മാണം.